[align=center]شوفوا المزاين في امريكا
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7



عطفا على الصوره السابقه !! وعطفا على شيلة المورقي العتيبي في مزاين قبيلة عتيبه
( هذه القبيله الغنيه عن التعريف ) اليكم هذا النظم مع كل الود

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

مزايـن امريكـا لْطـراز (f 15 )...=أهـل السـلاح اللـي قليـلٍ حلـيّـه
لا هي نتاج الروس لاهي من الصيـن=ولا هـي تـراث انجلتـرا الاولـيّـه
رُبشٍ ليـا فـزت سـوات الشياهيـن=مريّـعـاتٍ لالــف نـيّـة ونـيّـة
ترمي لهبهـا فـوق روس المعاديـن=و طيارهـا يلعـب ورق مـع خويـه
من فرز مصنعهـا ولا جـات بالديـن=نتـاج علـم أهـل العقـول الذكـيـة
مـا زادهـا الا نـار حمـرا وبنزيـن=مـا علفـوهـا بالنخـالـة الـرديّـة
ترمـي هدفهـا بُعـد ممشـاة يوميـن=وتغيّـر العالـم فظـرف اضحـويـة
خشومهـا رسمـة خشـوم الشياطيـن=مـا قايـلٍ فيهـا (التقاعـس) شويّـة
ومقصـورةٍ بلـور بيـن الجناحـيـن=تـقـول فــازة كاهـنـة منتهـيّـة
واخـر مقفاهـا تـقـول البراكـيـن=مـا بـه حمـم لكـن نـاره وريّــة
تخرق جدارالصوت وأن جات في العين=ضحـى بتسمـع صوتهـا فالعشـيّـة
واحجامهـا متساويـه مابهـا بـيـن=مـن كبرهـا اتقـول هضبـة طميّـة
ما حافها الركبي مـن شمـال ويميـن=إلاّ خبـيـر ورتبـتـه عسـكـريّـه
رُجلـة رفيعيـن المقـام المسمـيـن=اولاد بـوش أن جـات بالكـون هيّـة
فريـس وايضـا بالنخـاوي مجانيـن=لا روّحـت مـا بيـن هـذي وذيّــة
كم رجّحوا كـم ثقلـوا مـن موازيـن=وياكـم شالـوا ..كـم طشـوا عنيّـة
مـا همهـم فيهـا زعـالا وراضيـن=دون الهـدف لـو يحرقـون البريّـة
أفعالهـم يشهدلهـا اقصيـن وادنيـن=واللـي معـه كلمـة يعـدّل علـيّـه
ما هـوب لا كنّـا وكانـوا ومبطيـن=ويـا كليـب شـب النـار لالشاذليّـه
صلفين في الماقـف جزاعـا حليميـن=فيهـم تواضـع بـس فـي عنجهيّـة
من حقهم لو كـان ماهـم علـى ديـن=أسيـاد ماهـم فـي الكراسـي بلـيّـه
مـا زاينـوا يـوم الرخـا بالبعاريـن=هــذي مجاهـيـمٍ وذي ساحـلـيّـة
وهذي بنـات شعيـل سيـم بملاييـن=وهذيـك ابوهـا مانعرفـلـه رعـيّـه
وهذي عريضة خد شرخـات الاذنيـن=وسنـام هـذي كـوم مـن زود نيّـه
يزاينـون بسبقهـم فــي الميـاديـن=حتـى تخطـوا حـاجـز الجاذبـيّـة
وحنا تجاذبنـا علـى الخلـف ثنتيـن=بعـض القيـم والنـعـرة الجاهلـيّـة
ننظر خـلاف وهـم علينـا مغيريـن=اليـن صـار القـوم وسـط السريّـه
ما كن بعـض دمينـا فـي فلسطيـن=ولا كن وسـط عراقنـا النـار حيّـة
ولا كننـا فـي المسلميـن الملبـيـن=المسلـم اليـا صـاح لـبـاه خـيّـه
وحنا فـي بهـرج وقتنـا دوم لاهيـن=بعنـا بدنيانـا الـهـدف والقضـيّـة
واليوم نشقـر فـي عصانـا بسكيـن=حتـى بذرنـا بــذرة العنصـريّـه
انتـم وحنـا واقعيـنٍ بـهـا اثنـيـن=وباقـي القبايـل بيـن روحـه وجيـه
يا ربعنـا وش حالكـم ويـن غاديـن؟=بعض المسـاري مـا وراهـا ضويّـة
مـا قـول هـذا سخريـا فالعريبيـن=أهـل الشكالـة والفعـول المضـيّـة
اقـول يـا سبابتـي واطرفـي العيـن=العيـن عينـي واصبعـي مـن يديّـه
والعلم واضح مـا يبـي زود تخميـن=مـن وحـد الله صـار منـي وفـيّـه
(ولا يستشـك الا العفـون الرديـيـن)=وراعي الردى ما اشيـل لـه مقدريّـة
ولا لي شعـار يكـود نخلـة وسيفيـن=مسلـم سعـودي واللـغـة يعربـيّـة [/poem]


الشاعر
محمد سالم العطوي

شرايكم الفرق كبير بين المزاين عندنا والمزاين عندهم صح ,,,,


[/align]