[poem=font="Simplified Arabic,7,white,bold,italic" bkcolor="transparent" bkimage="http://www.alwaha.com/img/data/media/3/back_2.jpg" border="double,7,orangered" type=3 line=0 align=center use=ex num="0,black"]
الرجوله=[/poem]


[poem=font="Simplified Arabic,6,white,bold,normal" bkcolor="transparent" bkimage="http://www.alwaha.com/img/data/media/3/back_2.jpg" border="groove,7,orangered" type=2 line=1 align=center use=ex num="0,black"]
ماكل "عكـف الشـوارب" طيـب مفتولـه=كل شارب له مقص اليا قصر.. طالـه..!!
والناس للنـاس .."شيالـه" و "محمولـه =ولا كـل "حمـل "...يبـي يقـواه شيالـه
بعض الحواجب"علـى الطـولات" مفلولـه=وعض الحواجب " على العثرات " نزاله..!!
والحر اذا " ماارتفـع " ..مايقبـل نزولـه=والبـوم لـو يرتفـع .. بالقـاع منزالـه
نفـس مـن الوقـت والأيام..."معلولـه"=ونفس عليله ..من الرجـال وافعالـه..!!
من يرتجي من"سحاب الصيـف "هملولـه=يموت"ضامـي" قبـل يــذوق همـالـه
والرجل لاصـار "شيـخ" وابـن حامولـه=يضفي على الربع والمحتـاج بجلالـه..!!
لاصار "شفق" علـى النامـوس والطولـه=مفروض ماتنـزل افعالـه عـن اقوالـه
و"المهبد" اللي .. يرد القـوم فـي قولـه="مسرد حكي" في مجالس ناسٍ حثالـه ..!!
"حمامة الوجـه" مـن يمنـاه.. مقتولـه=ماللحيـا فيـه "دم" يشربـه ..فـالـه..!
وعـز الله ان "الحميـا" فيـه ..مشلولـه=رخوٍ "نهار العـزاوي" تقصـر حبالـه..!
"الشيخـه الزايـده" وابليـس وطبـولـه=خلن "عمى القلب"يمشي شايفٍ حالـه..!!
ليته عطى "صغر عقله" من "كبـر زولـه"=اوليت زوله نفع .."مـن لاذ بظلالـه"..!!
خبلٍ .. يدربـي "سلـوم البـدو" بنعولـه=يطيح قدره "تحـت رجليـه" ماشالـه..!!
أبـواب "كـل المراجـل" عنـه مقفولـه="والنعم" كايد عليه .. ولا يتهيـا لـه..!!
يا وسع بيته ويـا عرضـه ويـا طولـه=وياقل جود "العفيـن" وياكثـر مالـه ..!!
مثله اذا مااستحى مـن هالبشـر حولـه=على الأقل يستح مـن "ميلـة عقالـه"..!!
ودام يتذرى "عـن ضيوفـه" اليـا جولـه=حلال "وسط المجالس" دفـق فنجالـه..!!
لكن نصيحـه "لوجـه الله" قولـوا لـه =لو يلبس "ثياب إخته" يمكـن اشوالـه..!! [/poem]

[poem=font="Simplified Arabic,6,white,bold,italic" bkcolor="transparent" bkimage="http://www.alwaha.com/img/data/media/3/back_2.jpg" border="double,7,orangered" type=3 line=0 align=center use=ex num="0,black"]
فيصل الطواله =[/poem]