اسمي بسم وهاب الجزايل واولع فكر هاجوس المثايــل
ابا اكتب لي قصيدة وانتقيها واقدمها لكــــل (عيال وايل)
رسالة وايلي(ن)يم ربـــــعة هل الطولات وافين الفعايل
هل النخوات في كل المواقف بهذا الوقت وعصور الاوايل
الا ياتاج راسي ياربوعـــــي قضى وقت الممازح والهزايل
ولدكم يعتزيفيكم وينـــــــخى سجين ومابقى بالوقت طايل
يبي منكم تعاون لين يطلــــع تراها واجبة ماهي جمايـــــل
تهل امة عبايرها وتبكــــــي تبي فزعة كريمين السلايـــل
تبي من حاربو لعيون حصـة عوايدهم بحزات الصمايـــــل
واللي داسو عشان المنذرية جيوش الفرس واقفت بالخذايل
يجون اليوم ويعيدون ماضي حقيقة حادثاتة بالسجايـــــــــل
ابا انخى شيوخ ربعي بالقصيدة شيوخ مابماضيهم جهايـــــــــل
ابن هذال وابن مهيد وايضا ابن مرشد بساعات الهوايــــــل
واثني بالعواجي هو والايداء وابن شعلان معطين الجزايـــــل
وابن مجلاد والطيار عزوة وابن قعيشيش موفين المكايـــــل
ونسل سمير مع راع البويضا بيوم فية تفتك الزمايـــــــــــــــل
ولاانسى المرتعد لاحل ذكرة وابن رشدان وافين الخصايــــل
شيوخ قولهم بالفعل يثبـــــت مع التاريخ واضح بالدلايــــــــل
ذكرت اسماء بعضهم واتعذر عن الي مانذكر مافية مايــــــــل
علية يصعب احصى كل واحد وانا ماقصدي الاارسل رسايــل
لهم ولكل شخص بالقبيلة مقام مالنا عنة التحايـــــــــــــــل
وقول المدح لة وقتة وهذا زمان الفعل ياكرام السبايـــــــــل
يجود الرجل من شي تيسر فضيلة تنحسب ضمن الفضايـــــل
ترى كن ماوقفنا كل ابونا علينا العار وكبار الفشايـــــــــل
ولا عاد الفخر يزهى علينا الى حل الفخر بين القبايــــــــل
انا قدمت ماعندي ويبقى على المعبود تخفيف الثقايــــــل
ولو ان الشعر ينهي هالقضية انا واللة ماني بة مسايــــــــــــل
وربي لااكتب الاف القصايد بليا ضيقة شعوروملايــــــــــــل
ولكن مالها غير النشامـــــــا ربوعي يالكرام اهل النفايــــل
الايافارج الكربات ياللـــــــة فرجك الي يسالة كل سايــــــل
عسى عبدالمجيد بخير يطلع ويصبح كل هم وضيق زايــــــــل
ختمت القول واجو ياجماعة تسامحكم على كل الخمايــــــل
وصلى اللة على خير البرايا عددماهل وبال المخايـــــــــــل

الشاعر// <<سلامـــــة بن عـــــواد الضــــوي الجعفــــري العنــــزي>>