تويت
اعذلوني فيك عشاق النصيحه
وانشدوني عنك طرفين الحكيه
إن شكيت من الهوى قالوا فضيحه
وإن سكت استنقظوا جرحي عليه
كيف بخفي الحب وجروحي صريحه؟
كيف احجب الشمس ياخلي بيديه؟
من عذلني بالهوى الله يبيحه
ومن عذرني ماحصل مني خطيه
(بدر بن عبدالمحسن) ...
ماتستحي؟ لا ياقليل العذاريب
لو تستحي ما تاخذ الطيب كله
(دغيم الضلماوي) ...
كلك تعالي غلا ... والا ارجعي كلك
بعض الغلا منك مايستاهل الجيه
اما تعالي لقلبٍ .. فز لك كلك
والا اتركيني ما ابي لك بالهوى جيه
(مساعد الرشيدي)
ليتني ماشفت في عينك دموع
منظر الدمعه على خدك هلاك
(عبدالله الفيصل) ...
الله من صبر صبرته ولا فاد
والصبر مر اليا تعدى الحدودي
(الزلامي) ...
رحلت إنت وتركت بداخلي طيفك وصبر طال
غدت ذكراك شمس ماتغيب وصورتك ظلي
حكيت ومالقيت من الحكي إلا الندم موال
سكت ومت بالحسره ولاادري وش هو أحسن لي
تخيرت الفراق ومادريت إن الفراق وصال
أقول إني نسيتك بس ماادري كيف تاصل لي؟!
(طلال الرشيد) ...
اقسى من الهم والحرمان والذكرى
احساسى انك لغيرى وانت فى يدي
(فرج صباح) ...
مامت لكن زهقت وطالت الحسره
وشلون بقلوبهم ما عاد لي طاري
هم خذلوني وضاق القلب من صبره
من غابوا ..غابت اجمل اخباري
(فرج صباح) ...
انا عيوني تناعس من عمس راسي
بس انت قلي عيونك وش تناعسله؟
(عبدالعزيز الفراج) ...
يامن وداعه كنّه مـوادع الـروح
لو هو بكيفي عنك ما اروح ساعه
(غيوض) ...
ما يجرح الصادق الا غدر من يامنه
لا جت من احباب قلبك لا تلوم السنين
(طلال الرشيد) ...
يابنت كلك ملح لاكن على ماش
مثل البحر مابل ريق المعاطيش
(ضيدان ) ...
وكم قلت له ترا التلاعب بالعواطف له ضرر
اما نذوب (انت وانا) ولا المشاعر خلّها؟
(البندري) ...
دمعي بلا علمي على وجنتي سال
اشتقت لك.. ليتك تحس بحناني
ليتك تشوف الحال يا متلف الحال
بس التفت لي شوف شالله بلاني
(البندري) ...
غلطانة اللي تعشق اليوم رجال
مهما حلف بالود.. يبقى اناني
وقلب الرجل ما به من الحب مثقال
والبنت ترفة..قلبها ما يداني
(البندري) ...
بعدك ذبح فيني مفاهيم الاشواق
واسقا عروقي الفراق وزرعني
وانا ادري انك تملك احساس واشواق
احساسك اللي من عروقي نزعني
وش فيك ماتفهم؟ ترى جد مشتاق
سيف الثواني في غيابك طعني
(عبدالله ذويبان)
انساك لحظه واذكرك باقي العام
حتى وانا ناسي نسيت وذكرتك
يا شمس عمري طلعتك تدفي اعوام
ادفا وأنا بردان لو ما لمستك
(ناصر الفهيد) ...
عزاه يا نفسن نوت بجمع الاوصال
يوم الغلايق أشوالها من طلة الناب
(الجسورة) ...
ماكل رجالن يسمي على الذيب
والذيب ذيب ويبعدنه ظواري
الذيب ذيب ومرقبه بالمراقيب
ولياهجد ردوه ثم جاك ساري
(غير معروف) ...
سمه دلع سمه غرور وعوابه
سمه مزاج يعشق اللي يناجيه
سمه قساوه قلب سمه صلابه
سمه لعانه سمه اللي تسميه
هذي طبوعي والغلا مو طلابه
يانور عيني غير هالطبع مافيه
(عابره سبيل) ...
لا ترخصين النفس يابنت تكفين
بعض البشر مايستحق الموده
يلعب على كل العذارى بحبلين
والدرك الاسفل يا العزيزه مرده
(الراسيه) ...
أحدن فعوله بالمراجل تثابيت
واحدن يشابه بالفعايل خواته
(غير معروف)
شفت المقفي وربي ما اتبعـه لـو خطوتيـن
و أصبعي وهو أصبعـي لا غدرنـي أقطعـه
و بسألك سـؤال واحـد و الجـواب كلمتيـن
لا صار قدرك والهوى خصمين من تاقف معه
ياخي العزة كرامه و انت دايـم مستهيـن
ياخي ضرسك لا اوجعك بذمتك ما تخلعـه ؟؟
(غير معروف) ...
بعض الجروح تطيب مع مر الايام
والبعض نقضه في مرور الثواني
وانا جروحي ساطيه بي من العام
تنقض بعضها بين ذيك المحاني
والعمر لويحسب ليالي مع ايام
كم ناتج القسمه جروح وثواني
(عايض محمدالحربي) ...
مليت من هالأماني.. دام مهي ممكنه
لاهي تحقق.. ولا يأسي بوجهي يبين
إلوين أنا وأنت..مثل الشمس والأزمنه
مع كل صبح يجددني لشمسك حنين
أبيع عمري لجل أنساك..أو أرهنه
وأعيش ليله..أقول إن جيتني..إنت مين؟؟!
(طلال الرشيد) ...
الصداقه بير والصدق الدلو
والوفا ماها وانا طلابها
والنشاما فالمطلات اعتلو
والرخوم منوخات ركابها
وانت لو تحتاجني عطني الو
فدوتك عيني وسوداهدابها
(غير معروف) ...
لك من المعزه والغلا رصيد
صار لي سنين بقلبي اجمعه
حسبي الله على شعر عنيد
مايبي غيرك وماقدرت امنعه
(غير معروف) ...
لي صاحبٍ صبيت دمي له فـ كوب
كبّه وهو يضحك وأنا هناك منصاب
(بدر الحمد ) ...
لو إن المراجل في مزايين اللبوس
كان شفت العذارى تفتل أشنابها
(غير معروف) ...
تـدري وش أجمل شي في أصعب أشياي
جـمر الدموع بـداخلي لا بكيته
(محسن الطريسي) ...
شفتـك قريـب وقلـت أبمـد يمنـاي
و أثـر السمـاء أقرب من مصافح يديـك
(راشد بن جعيثن) ...
ماعاد تفرق لو خذاك الوقت او جابك
في الحالتين الموت اقرب لي من ظلالي
اما بموت من الوله لا طول غيابك
ولا بموت من الفرح لا شفتك اقبالي
(محمد الجارالله السهلي) ...
كل مادقيت في ارض وتد
من ردات الحظ وافتني حصاه
(عبدالله الفيصل) ...
السهر والعشق الاول والهوى واللي ينوله ..
شي اقسى من همومك والعنه حاضر وغايب ..
الهموم اللي دعتني من بعد سن الطفوله ..
كلها من تحت راس العشق ملعون الصلايب !
(حامد زيد) ...
ماعلي خلاف اقول اللي ابيه ..
من فضل ربي علي اني قوي ..
الا حبك شي ما اقدر عليه ..
كن حبك الضيف والقلب بدوي !!
(ثامر شبيب) ...
ذكريني لا انتهـت للـشمـس رحله مـع نـهار
واذكريـني لا صـحـى للصـبح ورد الياسمـين
واذكريني لا لمحتي فـي ليـالـي البرد نار
واذكريني لا سـمعـتي للمـطـر صـوتٍ حزين !!
(فهد المساعد)
ياشين بعض القصيد وياثقل دمه ..
لامن قريته كرهت الشعر وعلومه !!
ويازين بعضه تقل كني ولـد عمـه..
من زود حبه .. جعل يومي قبل يومه!
(محمد جارالله السهلي)
لو هموم المفارق مثل كل الهموم
ماتشوفون عيني بالدموع سبحت
ولو تحن المشاكل عقب حب الخشوم
كان حبيت خشم المشكله واستحت !!!
(حامد زيد) ...
جايز انـك في غـيابي تقلب الدنيا علي
بس أنا من قـبل أعـرفك قالب الدنيا عليك !!
(فهد المساعد)
[/align]
تعليق