[poem=font="Simplified Arabic,7,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]
أرد لـك ياللـي نخيـت الشـرارات= ومدحتهم هم سعـد عيـن الرجـاوي

صدقت في مدحك وانا ازيـد كلمـات= هم عز منهو عاش ضيـم وبـلاوي

نخيتهـم طـلاّب عفـوٍ لمـا فــات= وحق لمن تنخـاه سـرد الحكـاوي

شي حصل ذلـل كريـم وثـم مـات= بدهان يومنـه علـى الغـدر نـاوي

نسى الملا ورب المـلا حـي مامـات= شيب رموش العُوْدْ والعُـودْ ثـاوي

قـدام عينـه بولـده صـب طلقـات= ومات الولـد والأب ينخـى خــلاوي

يجاوبـه بدهـان ضحـك وصيحـات= ويـرد نخواتـه بسـب ودعـاوي

الأب شاف البيـن لحظـة بلحظـات= والـذل عاشـه بيـد مـن لايوالـي

بدهـان ماراعـى لدينـه مـروات= ولا لحكـم ابـن سعـود حرا النـداوي

تنخون من يحيي نفس له الاجر مرات= لكـن نسيتـوا قتلهـا وش يسـاوي

لو هو خطا قلنا لك ابليـس مامـات =لكـن تعمـد ذل وللقـتـل نــاوي

منك العـذر يامـن نخانـا بالأبيـات= لازال شـرع الله على الأرض جــاري[/poem]