[poem=font="Simplified Arabic,7,black,bold,normal" bkcolor="transparent" bkimage="" border="double,10,black" type=2 line=1 align=center use=ex num="0,black"]
يعْـتـز مــن نفْـسـه أبـيّـه عـزيـزه=أكـيــد منـهـو,عـزْ نـفْْـسـه تـعــزّه
ألآدمـــي كـرامـتـه لــــه ركــيــزه=وأصْـل النّـدم لحْظـة تسـرّع وفـزّه
مـاكـل شــي الحرْ,نفْـسـه تـجـيـزه=عيـنـه تقـيّـم بالنّـظـر مــن يـقــزّه
يبْـحـر ويوزنْـهـا بفـتْـره وجـيــزه=ويحْسـب حساباتـه مـع كــل حــزّه
إنْ طار,صيـده نــادرات وخـزيـزه=ولاكــلْ صـيـده شـافـهـا تسْـتـفـزّه
إن الوفا,بالشخْـص نبْتـةْ غـريـزه=ذي مالهـا شتْـلـه وغـصْـنٍ تـغـزّه
صديقك إن كـان أنْـت ودّك تهيـزه=حتّى يتبيّن لـك علـى الصّـدْق لـزّه
كانـك لقيـتـه صــادق بـكـل مـيـزه=إجْـعـل وداده فــي فــؤادك مـنــزّه
إن ضاق به وقْته ونصْـرك يعيـزه=غوثـك لـه بفزْعـات عجْـلٍ مـفـزّه
عون الكريـم مـن الكريـم ومفيـزه=ونفْس الأصيل من الرّدى مشْمئزّه
شيطـان نفْسـك إنْتبـه مـن لمـيـزه=الآدمــي شيـطـان نـفْـسـه يـــوزّه
مـاكـلْ شـامـخ بالهبـايـب هـزيــزه=خـلّـك جـبـل مافـيـه ريــحٍ تـهــزّه
المـوت مـرّه خـلْ نفْـسـك عـزيـزه=عـن عيشـةٍ بـالـذّل مـوتـك مـعـزّه
[/poem]