[poem=font="Simplified Arabic,4,black,normal,normal" bkcolor="burlywood" bkimage="" border="double,4,sandybrown" type=0 line=0 align=center use=ex num="0,black"]
البارحه ماامرحت ماني بمسرور=وتأوّهت بالجاش أنفاس البيات

ذرفت دمع العين والهجْس مقهور=وجرّت حروفي مثل ماجرْ, الآهات

من يوم قالو,ودّع الشيخ مشهور=إبن يعيش القرم زبن الونيّات

مرحوم ياشيخٍ به الطيب مخْبور=يامؤمن بالله,يابوالكرامات

يابن يعيش المجد,ياحيد,ياسور=عليك من مولاك ياشيخ رحمات

عزاي فيك رثاكوبحروف من نور=وعزاي انا اموات وعيال اموات

جعلك بجنّة عدن وانهار وزهور=وعساك ياشيخ الصّخى بوسط جنّات

نسْلك رجالٍ بين ظابط ودكتور=وقالووالعرب من خلّف رجال مامات

محمد وتركي ونعم مافيهم قصور=وراكان مع طارق رجال المهمات

نسلك وكفْو,بالنّشاما,خذووالدّور=والعزويبقى في عظيم السلالات

شيوخٍ,سلايل شيخ والكل منعور=مثل الجبال العاليات الطويلات

لاجيب طاريهم هل العز,والشّور=شيوخٍ بوايل صيتهم فعل واثبات

آل اليعيش ان صاح صايح من الجور=نخواتهم تأتيه خيلٍ وفزعات

يبشر بعزّه وإيغدي ليله سفور=إلْيااعتزو,اهل الحميه بلأصوات

يبقى الأصيل ومعدنه ينتج بذور=وسلايل كحيلان مثله نقيات

وانا لموقف ضيقتي بأكتب سطور=بفزعة حفيده فيصل بوقءت ضيقات

فيصل فزع لي يوم انا كنت مضرور=ومثلي اصيل مانسى منه وقفات

شاعر وافاخر وارثي بصادق شعور=بشيخٍ فيده بعْنزه مثل ابانات

ياجعل ذنبه منك يارب مغفور=وتسْكنه في جنّات خُلدٍ عذيّات

وتجعل فضا,قبره مدى الشوف وسفور=وروضه من رياضك الهي الوسيعات

كريم يامولاي يالحق يالنّور=ترحم فيد عيال وايل برحمات

وحنّا,بك آمنّا,ولو ضاقت صدور=ونتْلو,بوداع الشيخ من وحْيك آيات

اجبر عزانا بشيخناوالشيخ مشهور=وعذر القصيد وصاحبه دمع الابيات[/poem]
الشاعر شايم فهاد