[align=center]اعجبتني القصيدة واحببت ان انقلها لكم اخواني الويلان واهديها للغاليه ؟[/align]


[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
انالامن دعيت الله يجيبك زدتني بإبعاد =رح الله لا يردك يمكن الدعوات مقلوبه
نفش ريش الظلام وقلت عل المبطيات جداد =رقص وجه النهار وقلت يادوبى ويادوبه

هنوفٍ لابغت ترمش هدبها يرتفع بالكاد =يعذبها إلى منه على الوجنه فتق ثوبه

أميزها عن القمرى إلى من جت بلا ميعاد =وإلى من جت مع القمرى غدا كلٍ وأسلوبه

سحابه جدها من يم أبوها بارق ورعاد =بغيت أسقى بها روحى لقيت الروح مشروبه

تهادى كنهاطفلٍ يمشيه الهوى بركاد =تعطف كنها نار ٍ براس طويق مشبوبه

تجي وإن زادها قلبي غلا زادت غلا وعناد =وإلى من قلت يكفي بموت تقول ملعوبه

لها فوق القدر عندي مكان ٍ ماعليه اسياد =ولي في عينها نظرة هلاك ٍ غصب مكتوبه

أشوف الموت لاغابت وعمري لأقبلت ينعاد =وإلى ابتسمت غشا ظلي من الفرحه وراحوا به

بعضها آدمي لكن بعضها مأحتوته أجساد =ملَك واحلى الخلايق ماوصل بالزين عذروبه

تجي مثل الفجر لو الفجر ماهوب دوم أعياد =أنا افدا ظلها لا والله افدا ظل مندوبه

تسولف للندى يسهر على النرجس يبي يزداد =تغني للمطر لليل تصيب الكون غيبوبه

وأبد ماكنت أحس بلسعة الكرباج والجلاد =الين البارحه دمي عواذيلي تقهووبه

وأنا وش جابني للحب مادام اللي مضى مافاد =انا وش لي ووش للموت لجل عيون رعبوبه

حبيبي لا تعلمني أبد كيف أرضي الحساد =حبيبي لا تعلم جسمي ان الروح منهوبه

وانا لامن دعيت الله يجيبك رح وزد فبعاد =كذا دايم هي اصلا فرحة العشاق معطوبه[/poem]

[align=center]عبدالمحسن بن سعيد[/align]