[poem=font="Simplified Arabic,6,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
باين عليك اليـوم زعـلان منـي =حبيب قلبي قلي اشفيـك زعـلان
لا يكون احد جاك وحكى شي عني =غلطـان لوصدقـت والله غلطـان
مفروض ماتسمح لأحـد يتهمنـي =تعرف غلاك وتعرف القلب ماخان
انا من اول يـوم شفتـك وكنـي =غريب لا قاله وطن بين الاوطـان
لاينشغـل بالـك حبيبـي لأنــي =ولهان بغيابك واذا جيـت ولهـان
لو اخسر العالـم ابفـرح واغنـي =رابح انا بحبك ولو كنت خسـران
انت الوحيد اللـي بحبـه شغلنـي =عجزت توفيك القصايد والألحـان
ماأشوف انا غيرك حبـك سكنـي =ما كن ف الدنيا ابد غيرك انسـان [/poem]