[align=center][frame="3 80"]
السلام عليكم ورحمة الله وبركاته

اخواني في هذا المنتدى الرائع ....اعتز وافتخر بأن اكون احد اعضاءهذا المنتدى
الشامخ .....
واضع بين يديكم مشاركتي المتواضعه ...
عسى ان تحوز على بعض من استحسانكم..[/frame][/align]
[poem=font="Simplified Arabic,6,red,bold,italic" bkcolor="transparent" bkimage="" border="groove,7,skyblue" type=2 line=0 align=center use=ex num="0,black"]



انا شمالي وافتخر بالشمالي =دار الكرم والطيب دار المروات
دار ٍ ربى فيها ابويه وخالي = سميتها دار الشيم والمروات
دار العطى والجود دار الرجالي =اهل الوفى واهل العطى والجمالات
دار املكت قلبي وعقلي وبالي=وغنى لها صدري جزيلات الابيات
اترابها للروح والقلب غالي =يسوى بقلي ابراج كل التجارات
ادفع لها عمري وروحي ومالي = ترخص لها الدنيا وكل الملذات
تحظى بقدر ومنزل ٍ في ّ عالي = ماحازه الا هي بالذات بالذات
استحوذت قلبي وتسكن خيالي =لها بقلبي درب ...دور ومسافات
الياشفتها يهتز قلبي وحالي = وشلون مايهز وهي البدايات
احبها حب ٍ بقلبي خيالي = مثل البحر ماله حدود ونهايات
حتى هواها كالقراح الزلالي =ينعش جميع الكون حيين واموات
اشوفها دايم بعيني اقبالي =بيه ومعيه عايشه كل الاوقات
تبقى بقلبي اهضابها والجبالي = وتبقى جميع اديارها والمسارات
لوغابت الذكرى بقى القلب خالي = مكانها ماتسّد فيه السراوات
هذي خباريها وذيك المفالي = اشوفها بالعين ماهي روايات
فيها ربي ارجال العطايا الجزالي =ارجال المواقف والوغى والمهمات
ارجال الصعيبه لدبرن الليالي = مزبان وقت الكايده والصعيبات
بالاوله دايم ولاهم توالي =تاريخهم يشهد لهم بالعضيمات
عدوهم لو كان حاكم ووالي =يخضع لهم وقت الليال الخطيرات
افخر بهم ربع ٍ كرام ٍ مدالي = عدوهم لوحي من عرض الاموات
وافخر انا ابربعي قروم العيالي =تاريخهم معروف وقت الشكالات
ربعي هل الجدعاا وشامخ خوالي =اعلومهم بالطيب ماهن جديدات
دايم على المعروف اول وتالي =والنعم غصب وطيب في كل الاوقات
والنعم فيهم كل وقت ومجالي =حازوا المكارم في جميع المجالات
افخر بهم واكتب بهم مابدالي = افعالهم بالطيب والعز رايات[/poem]