قصيده " درب الحقيقـه"للبدون

--------------------------------------------------------------------------------

ضاعت حقوق وحقايق واعتموا درب الحقيقـه
ولانـطيق الصبر دوم ولابقي بالصدر طاقــــه
بعضنا طال القراح وبعضنا مابــــل ريقــــــــه
وذاك يطري له عشير وذاك له محبوب شاقـه
تعسره شوفة قريب وتعسره شوفة صديـــــقــــه
ولا طواه الشـــوق ليله يفتح من الليل طــــــاقــه
\\
//
\\
وبعضنا طبعه صبور ولاشكى للناس ضيقـــــه
فاتحٍ للهم صدرٍ كل ابو ضلــــوعه دقــــــــاقــــه
وبعضنا يشتم زمـــانه توحي وتسمع شهـــيقــه
لو تبســــم تعرف انه عــــايف الكــون وزراقـه
مع طريق الصبر نمشــي ولا وصلنا اخــر طريقـه
ولو نبي نصبــر ونمشي صار يلزمنا ليـاقــــه
\\
//
\\
مانظمت القــاف لعب ولاهي لخــاطر عشيـــقــه
ولاتكلمت مغصوب ولاهي من باب الشفاقه
ماحدٍ يدري ولا احدٍ ناقلٍ هم الخــــــليقــــــــــــــه
كل قلبٍ لاتحجر تنــمحي منه الرفـــاقــــــــــه
شلـنا حملٍ لو يشيل للجمل يزري يطـــــــــقــه
مايشيـــله وعاف يومٍ صار بالدنيا خلاقـــــــه
//
\\
//
من تنـــعم وسط جنه ماهو مثل اللي بحــريقــــه
ومن تصوب وسط قلبه ماهو مثل اللي بساقه
حط حـــالك ياوسيع البشت بحــوالي دقيقــــــــــه
ذق عذاب العمر ليله مثل ماالمظلوم ذاقــــــــه
يانفوس الحقد قولي دربنا منهو يعيــــــــــــــــقــه
حلمــنا منهو يهـــده والبخت منهو اللي باقــــه
//
\\
//
اصلنا بين وساطع كلٍ يشاهد بريــــــــــــــــــقـه
ومــــــــالنا بالي تعلق بصلنا صلح وعلاقــــه
حاسبوه اللي دفشــــــهم صوبنـا وعبى العلــــيقــــه
حاسبــوه اللي تسبب وابتدع هذي الحمــاقـــــه
كل شي لو تنقـل تبقى له ديره عتيـــــــــــــــــقــــه
اما يرضى بالتغير والا يرجعه اشتيـــــــــاقه
//
\\
//
عقب ماذيب الذيابه بالجبل صار بحــــــديقــــــــه
وعقب عزك يامعنز نازح بجيبك بطـــــــاقه
لايهمك لايهمك لو تبلوك بوثــــــــــــــــــــــيقــــه
مرجعك ذمك النشــــاما مابهم ذل ونفــــاقــه
مايطيق الظلم عــاقل والبهــايم ماتطــــــــــيقـــــه
والمطـر لولا البهــايم ربنا ماكان ســـــــــاقــه






هذه القصيده لشاعر سعودي اسمه /منصور بن طريد