اعزائي هذه قصيده أعجبتني للشاعر( فهد المساعد)
بعنوان سكة الذكرى الحزينه
حبيت أنقلها لكم أتمنى تعجبكم

[poem=font="Simplified Arabic,6,white,bold,normal" bkcolor="transparent" bkimage="backgrounds/10.gif" border="double,7,gray" type=0 line=1 align=center use=ex num="0,black"]
مرني طيفك..وطيفك صاحبي ما أدري عدوي؟!
جايبٍ صوتك..وصوتك سكة الذكرى الحزينه

قال: انا جوي تكدر..قلت:ماهو كثر جوي
قال:فرقانا غبينه..قلت: واكثر من غبينه

قال:انا بـ..أموت من غيبتك،قل لي ويش اسوي؟!
قلت:أنا ابغي الموت في غيبتك، قل لي بس وينه؟!

قبل ترحل كنت أقول:بيسرح أيام ويضوي
مثل ماعودني اليا اشتقت له جابه حنينه

بس هـ..المرة ثمان شهور وضلوعي تدوي
كل يوم أشتاق لك..يعلن أبو الشوق وسنينه

كل ماعشمت قلبي..قال:ياضلوعي تقوي..؟!
ورحت أنا وياه نرقب رجعة اللي فاقدينه

نوب أقول:اليا رجع بكون في قمة هدوي
ونوب أقول: إلا بزعل..وأتلى مابيني وبينه..!

كل يوم اجلس على جال البحر وأقول: ((توي))
لاسألني: مافقـدت الحلم في لمسة يديـنه؟!

مادريت إن البحر ماقـال لأمواجـه: ((تروي))
ومادريت إن ((الغرق))هو حجة غياب السفينه

مادريت..أومابغيت أدري..ولا أدري وش بـ..أسوي
لو رجعت وشفت طيفك في الممرات الحزينه؟!

وين ابنسى؟!..وأنت طيفك(صاحبي مأدري عدوي)
مارضي يترك لغيره شـبر واحد في المديـــنه...![/poem]