[frame="7 80"]شي طبيعي من يحب يغار معلومه قديمه
الجديد انك علي تغار في عز الخيانــــــه
خاين وحب التملك فيك له معنى وقيمــه
ياخي ارحم من يذوق بغيرتك طعم الاهانـه
لو تجاملني وتسكت لاتمادى فالجريــــــــمه
((كافي اني كنت اخبي عنك اسرار الادانـــــه))

كنت مابيني وبيني طفل يهواني واهيمه
لين صرت الله عليك انسان يجرحني كيانه
من عشانه كنت اضحي وانتصر له فــالهزيمه
من عشانه يرحم امك ؟ من عشانه ....من عشانه ؟؟؟

انت لو تحسب حساب الغدر في نيه سليمه
خفت من ربك لاني معتبر حبك امانــــــــه
والله ان الحب اسمى والقدر له والحشيمـه
ماهو بانت اللي تشوه سمعته وتهز شانـــه

علمتني ذكرياتي خص لاصارت اليمه
ابتسم قدام جرحي واطلق لصمتي عنانه
ابتسمت الين صارت بسمتي فيني مقيمه
((يعني من كثرة جروحي ضحكتي تحتل خانه))

حاول تفسر غيابي صرح من قبل العزيمه
((لجل اسهلها تراني شمس وغيابي رزانه))
وانسحاب الشمس عمره مايفسر بالهزيمـه
انسحاب الشمس قوه لاتفكرها جبااااااااانه
.................................................. ......للشاعر عبدالله الملحم [/frame]