السلام عليكم ورحمة الله وبركاته



سأبعد بعد كل فترةعن عالم حزني وأسعى لأرضيكم .. أتمنى أن تعجبكم ..




[poem=font="Simplified Arabic,5,black,normal,normal" bkcolor="white" bkimage="" border="outset,4,black" type=0 line=0 align=center use=ex num="0,black"]




أنـا سفيـر الهـم أنــا سفـيـره
همي مخاوينـي بحلّـي والأسفـار
و أنا الفقير اللي عشق لـه أميـره
و أنا الأمير اللي لبس تاج و شعـار
متعاهديـن وحافظيـن السـريـره
عهدٍ تعاهدنـاه مـن يومنـا صغـار
والسيف عمره ما سلا عـن جفيـره
والشعر يا قبلة حياتـي لـه أفكـار
بحبك جديـر وبالمشاعـر جديـره
دم الفهـد يـا سيـدة دايمـن حـار
أنا وغلاي وحاجتـي فـي منيـره
وأسرار قيلت بس يا حلوها أسـرار
مـا تذكريـن مقابلتنـا الأخـيـره
ما تذكرين اللي حصل وقت الأسحار
أنـا وانتـي والأمـانـي كثـيـره
والليـل لأسـرار المحبيـن ستـار
ما تذكرين البـاب يزعـج صريـره
وإمرايتك وأزوالنـا صـارن كثـار
هذاك ذاك الليـل مـا فيـه غيـره
فيـه الأمانـي والأغانـي وقيثـار
سـؤال واحـد والإجابـة خطيـرة
والقلب متعـود عذابـات وأخطـار
قلبي وأعرفه ما لقـى مـن يديـره
وشلووون هذا الوقت بالذات يندار ؟
لو تأسريـن القلـب قلبـك أسيـره
يعني : يدك يا سيدة داخـل إسـوار
عقبك حياتـي كـل أبوهـا مريـره
توي عرفت أن الهجر كلـه أمـرار
كان الرياض بنظرتـي ألـف ديـره
والحين فاضي لو وطاه ألف مليـار
باقي معي جملـة وجملـة أخيـره
تبقـى بقامـوس المحبيـن تذكـار
إذا ملكـت مـن الخلايـق منيـره
والله قسـم لأكـون ناهـي وأمّـار [/poem]



عـــــــالـــــــم الأحـــــــــــــزان