ا لله لايجزاك يالسوق بالخير--------------------------- انا اشهد انه راح مالي خساره
عودت اجر الصوت عقب المخاسير ------------------------ واقول انا مالي ومال التجاره
اصبحت عقب المال مديون للغير--------------------------- وصبحت عقب الجيب راكب غماره
والراس شيب واشتغل با لتفا كير-------------------------- والفقر في بيت الغنا شب ناره
الراتب اقصا دواجار وفو اتير ----------------------------- ولاعندي ارض ولابملكي عماره
رحنا ضحايا في ايدين الهوامير ---------------------------- الحض تاره والهوامير تاره
في سوقنا الغاشم تخيب التباشر --------------------------- سوقا مع الهزه تطاير اغباره
والشعب صاروفي اصفوف اوطوابير -------------------- لكنه اعلن للجميع انهياره
هذي زراعيه وهذاك تعمير ---------------------- طا حت مثل ما طاح برج التجاره
قلنا يبي له وقت ويصير تغيير ---------------------------- يرتد وضعه ويتعدل مساره
لاكن تعلقنا ويالله عسى خير ----------------------------- مادام راسي حي مابه خساره

والاخر يقول في المعاناه

لاعاد يوما فيه طبيت الاسهم --------------------------- ولاعاد يوما فيه ذقت الخساره
الله وحده هو بالاحوال يعلم ---------------------------- العرس قرب والفلوس استعاره
ياليت راس المال ياخوك يسلم ------------------------- ماعاد نبغى ارباح ولا تجاره
جماز ياجماز تكفى يالاسحم ---------------------------- بي علتا والكبد فيها حراره
اطلع لك ابتصريح ولا تكلم --------------------------- عن المؤشروالسبب بنكساره
وش مشكلت هالسوق يومه تحطم -------------------- ومن السبب في طيحته وانحداره
ان كان فيه اشخاص بالله منهم ----------------------- الي ورا هذا النزول اودماره

كلها منقوله ولاعرف لمن