الشاعر مصطفى السكران الحوراني من الشعراء البارزين من اهل الجبل وله ديوان مطبوع يحتوي على مجموعة من غرر شعره ومن قصائد السكران مجموعة قالها في بعض مشايخ عنزة المعاصرين له رحمهم الله جميعا
وهذه القصيدة قالها في مدح الشيخ طراد الملحم والشيخ راكان المرشد والشيخ فواز الشعلان والشيخ صالح بن هديب
يقول وعمر اللي يقرون يطول :

[poem=font="Simplified Arabic,5,darkblue,bold,normal" bkcolor="orange" bkimage="backgrounds/33.gif" border="double,4,orangered" type=0 line=0 align=center use=ex num="0,black"]

ياهيه ياللي فوق عجل الركايب= ريضوا خذولي للرفاقة تحيات
سلام احلى من حليب الجلايب = اطيب من الترياق مني سلامات
لهل البويضا عازين الطنايب = ريف الضعافا بالسنين المحيلات
حماية الخلفات يوم الحرايب = ستر العذاره بالسيوف الرهيفات
حريبهم تنخيه شنع الضرايب =. اليا صار بالخيلين عج وصيحات
حيي الرفاقه فاكين النشايب = شوفاتهم عند الملازم بعيدات
فواز ليا شوق شقر الذوايب= ربي يديمك يا بعيد الملذات
احييت يا فكاك عسر الصعايب = يا مير يا معطي العطايا الجزيلات
فاضت علومك فوق عوص النجايب = ياماعطيت من المظاهير خلفات
الجود لهل الجود من الجد جايب = فواز ابو دحام كساب الصيات
طراد يا منوة ضعيف وهايب = مفني الخزاين باذل المال شومات
لك رتبة(ن) تنعد بين الرتايب = شيخ عن العليا ترد المعيلات
لك رتبة تنعد بين الرتايب .= ياما خذيت من المناعير عدلات
صيتك كبير وذايع الصيت نايب =يالفرز يالمفراز بين البداوات
راكان ريف الشاكي من الصعايب = نعم الصديق الحر شيخ البطينات
له منخة للضيف ويا القرايب = ريف اليتامى بالايام المخيفات
ذباح للخطار وسم الربايب = حييك يا محيي ادروب الكرامات
لك سطوة من نادرات العجايب=تقفي خيول الضد منكم معيفات
ورابع سلامي سار كثر السحايب= يهدى لبو المعجون شيخ الهديبات
صالح صليب الشور لن شار صايب =ان صار بالشيخان قيل ومقالات
يقضي ويرضي عن كثر النوايب =شيخ عريض الجاه بين علامات
يكره من المذموم عوج الطلايب = هللي على المسكين يفلان عسرات
يشيوخ قلبي زاد فيكم رغايب =قلقان قلبي دب اليام ما بــــــــــات
من كثر وجدي ناحل الجسم ذايب = مشتاق ليكم يا وجوه النديــــــــات
يالله يا وهاب حسن السبايب= تجعل لنا عند المحبين جمعـــــات
قوالها السكران والهم غايب = من كثر شوقي للرباع الفضيات
من لامني يبلا ابعسر النكايب =تسقط سنونه والنواظر عميات
وصلاة ربي عد هب الهبايب =على النبي المختار ازكى الصلوات [/poem]

وسلامتكم
عبدالله الفاضل الملحم