[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هذه القصيدة وجهها الشاعر / خلف المحدى الغبين الفدعاني العنزي للشاعر المعروف /ذيب ابن بقان الصقري العنزي



ياذيب وجهت المعاني وناديت = ناديت باسمك دون قاصي وداني
واذعنت لك ياذيب بالشعر وابديت = ينصاك قافي والهجوس تحداني
ناديت لك وابديت بالشعر ماخفيت = واللي ذكرته عارفه ماخفاني
لاشك عن شين السوالف تخطيت = ولا اثر عليه كل هزل جباني
ادري واعرف العلم لاشك كنيت = عن الكلام الغث يالمودماني
شيمت نفسي عن كلام المفاليت = واللي عرفني صح عرفه كفاني
لوكان في عرف الحقيقه تقصيت = شين الكلام استبدله بالسماني
شاعر واغني بالمعاني وغنيت = ولا آخذ ثمن بالامسيه للمعاني
غنيت وسموع الخلايق مصانيت = والناس تدري بالخفى والبياني
وليا دعاني داعي الطيب لبيت = لبيت دعوة طيب لا دعاني
في عز نفس وللمعالي تعليت = ويبقى مكاني فوق يبقى مكاني
واعيش عيشة حر في وين ماجيت = ولاني من اللي يتبعون الهواني
انا خلف للمهزله ما تدنيت = ولاجل التكسب ماستيجر لساني
منشان كسب المال ماجرولا بيت = لو كنت اعاني عوز لوكنت اعاني
عن ما يهين النفس والقدر صديت = اموت ما اقبل للكرامه تهاني
الشيمه الشما عليها تربيت = أحيا واموت ولايزلزل كياني
اموت جوع وعالي الراس والصيت = ولا ذل نفسي للبخيل الهداني
امشي على وضح النقى ما تخفيت = الراس عالي والمجاني مجاني
رزقي على الله كل ما اقبلت واقفيت = ولااحد عطاني كان ما الله عطاني
لو كان من مر الزمان استحسيت = اصبر واعز النفس عن شي ثاني
هذا اقتناعي كل ماصبحت وامسيت = ويبقى الحصان بكل موقف حصاني
ما هين قدر النفس لو كان مريت = بظروف مال وفي ظروف الزماني
عن المبادي والقيم ماتخليت = شاني ويبقى طول الايام شاني
شاني وقدري غير قدرالهتاهيت = اللي هدفهم دان ياليلا داني
خوانة الرفقه هل المكر والهيت = بياعة الشيمه نفوس الحصاني[/poem]