رد: كشكووول القناص ...في الشعر ...!!

هذه الأبيات .......

للشاعر اٍبن جدلان وهي من الذاكره .. عسى مايجي فيها غلط :



[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شطارتك نجحت بالعشاشيق ياشاطـر=نتايج وقايعها على المجتمـع خطـره
مقاديم عكشـن بالحجاجيـن متقاطـر=سعف قلب مرباع من الحمل منهطـره
أعيد على لاماك وأذبـح لهـا فاطـر=حلالاه يامخذت علومك علـى شطـره
تسعد من دخل في سيطرة حبك الساطر=بجو تهـب الريـح بفياضـه العطـره
[/poem]

....... أبيات تستحق التأمل ..........

رد: كشكووول القناص ...في الشعر ...!!

.......



[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
النفس خزنة ملك.. والحزن قاطع طريـق=والجرح؟ .. يوجر عليه المسلم اليا أحزنه
وأنا من العام .. وآنا أشعر بيبسان ريـق=يفرج سجينـي مـع عينـي وأرد أسجنـه
من بين طيّات صـدرٍ شـل مـالا يطيـق=لاجاع حزنه؟ .. تعشّا جروحـه المزمنـه
مجسّم أنسان من داخـل رمـادة حريـق=وقودهـا المغريـات .. ونفسـي المؤمنـه
أحياناُ.. أبكي من الخشيـه لحـد الشهيـق=وأحيانـاُ أقبـل علـى الآذان .. ولا أذّنـه
ماعاد.. أنا.. أيّاي.. يلله لاتخلّـي عويـق=عاقتبه عيـون روس مدلبحـه .. وألسنـه
كتـل هوامـش بشريّـه .. تنـام وتفيـق=رديان وحتّى الردى .. بالظبط .. ماتتقنـه
لاكن على كل حال الطلـق يبقـى طليـق=لو عاينتـه العيـون .. وضدّتـه الأزمنـه
عذر السنافي معه والعـذر حبلـه وثيـقلو حس رعبوبتـه .. والاّ جفـا موطنـه
رعبوبتي,,, ياوجـودي ياغـلاك العتيـق=عنه مكـانٍ لقيتـك فيـه عامـا .. عنـه
يوم الشجر صاير ..لوجهك مشجّع فريـق=من وين ما أفترّ.. تتغيّـر معـه الأمكنـه
للحين باقي بدربه مـن رحيقـك رحيـق=وللحين أيتمتم حكينـا العـذب .. ويدندنـه
يوم أنّي أشّر على صدري وعينـك تويـق=وآقول أنتي هنا .. وأتقولي .. أنتـا هنـه
الهاء .. فاآخر كلماتـك بصـوتٍ رقيـق=تشطب على برمجة سمعي .. وتستوطنـه
منتي بشر جعل من جابك .. ضحيّة زريق=شارعـك يحسبلـك بالأمتـار .. يامفتنـه
اليا أنتصفتيه؟ يضيق .. وكل ماله يضيـق=كنّك ..كوكايين .. وأرصفته خشم .. مدمنه
رعبوبتي؟ .. ماخبرت أنّه تحرّك طويـق=شاعرك مجنـون خلقـه والشعـر جنّنـه
قوليلهـم ينتهـون ولا يطـول الزعـيـق=الميسـره ميسـره .. والميمنـه ميمـنـه
وقوليلهم للعراقه .. راس صبـيٍ عريـق=ياكـم سـرٍ يعرفـه .. بـس مايعلـنـه
أتنوخذ البحر .. ولا أرسي ..بجال المضيق=والشي بالشي؟ .. لاعيبـه ولا أستحسنـه
الاّ الرفيق اللّـي يستغـل طيـب الرفيـق=هذي اللّي ماهيـب مقبولـه ولا .. ممكنـه
ياصاحبي؟ كان لك مال الشقيـق الشقيـق=والحيـن جمّـع بقايـا مامضـى وأدفنـه
وياقلبي اللّـي وساويسـك تنجّـي غريـق=الله لايصغـر أبليـسـك .. ولا يلعـنـه
ماهو فخر في سنه .. تعرفلك ..أمية صديق=الفخر ؟ تتعرّف بصديـق .. لميـة سنـه [/poem]

سعد علوش .....



__________________

رد: كشكووول القناص ...في الشعر ...!!

البارحه كل الخلايق نيامــــــــــــا ...........وانا سهير الجفن وامسيت مهموم
احس في قلبي الهموم اتّرامـــــــى........ واحس قلبي حيل بالحيل مضيوم
لاجيت ابشكي عاندتني الكرامـــــا ..... ولاجيت ابسلى كن قلبي به اسهوم
روحي غدت بالصاحب اللي جفانا ..... جسمن بليا روح والحال مسموم
هذا هو المكتوب يمه خذانـــــــــــا ..........وهذا القدر خلاني الليوم مضيوم
مابي اعزي غير (جرح الندامــــا )..........ومابي يواسيني سوى ضي ال نجوم ......بقلم جروح

رد: كشكووول القناص ...في الشعر ...!!

جروح الندم ... صح لسانك ..

اٍيه كذا .......... شاركي ..

عشان أحط اٍسمك على غلاف الكشكول ....

هههههههههههههههههههههه



.........

رد: كشكووول القناص ...في الشعر ...!!

ماهو غرور ولاتواضــــــــــــــــــع كل ماف المسأله
ياصاحبي اني رفضت احسب لغير الله حســـــــــاب
.
.
طرد السراب لمن يحسبه ماء ماهي مشكـــــــــــــله
(المشكله)..طرد السراب .....لمن يعرف انه سراب



اهم شي الطابع بصورة فله

رد: كشكووول القناص ...في الشعر ...!!

أبشري ...

بس مافيه أحلى من صورة فله ...؟



......

رد: كشكووول القناص ...في الشعر ...!!

....

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياالله يارب غفور ورحمن = عسى علاقتنا بعفوك متينه

نلوذ بك من شر دورات الأزمان=ولاتولينا اليدين االمهينه

اللي ولت صدام وأخوه برزان=صار الأسد كل يهاجم عرينه

عزيز قوم ذللوه الأمريكان=غبينة ياكبرها من غبينه[/poem]


سلطان الهاجري ..





..

رد: كشكووول القناص ...في الشعر ...!!

جميع الأعضاء والضيوف ...

....... كل عام وأنتم بخير ...

..

رد: كشكووول القناص ...في الشعر ...!!

هذه أبيات نقلتها من مشاركة أخي عبدالعزيز

عنتر ... لجمالها وشهرتها وهي للشاعر

محمد الدحيمي الشهري :

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
من ذاق حر القايله يعشق الليـل=ومن شب ضوه ليلة البرد يدفـا
امسيت في جيلٍ ولاهوب ذالجيل=واصبحت والا ديرتي شبه منفـا
واللي حما بيته بطيـرن ابابيـل=ماجيت ادور كل من صـد وقفـا
ولاجيت ابشحذ يانما دلّه وهيـل=جيتك وجرح الظلم غاديه يشفـا
جيتك بكلمه كنها صعقة الويـل=ان قلت تكفـا لاتهـاون بتكفـا
تكفا تراها كلمـةٍ تقطـم الحيـل=لابالله الا تنسـف الحيـل نسفـا
تكفا ترا تكفا لها هـدرة السيـل=في صدر حرٍ ينتف الطيب نتفـا
تكفا ترا تكفا لها تسّرج الخيـلان كان لك في مجمع الخيل عسفا
تكفا تراني من قـرومٍ مشاكيـل=حماية الساقـه بسيـفٍ وشلفـا
تكفا وتكفـا ماتسـاق لمهابيـل=تكفا تخلّي القـرم لاشٍ وهطفـا
تكفا ترى تكفا تهـزّ الرجاجيـل=لولا صروف الوقت ماقلت تكفـا



..............
[/poem]

رد: كشكووول القناص ...في الشعر ...!!

وهذه منقوله من مشاركه لأخي مطلق أبوخالد :

نومك طرب ... لاِبن حميد ...

---------------------------------------------------

نومك طرب وأنا بنومي هواجيس
.......................ما ساهرك بالليل كثر الهمومي
أسهر ليا نامت عيون الهداريس
.....................وبالليل أراعي ساهرات النجومي
قالوا جهلت وقلت جهلٍ بلا قيس
........................الجاهل اللي ما يعرف اليمومي
أشوف عدلات الليالي مقابيس
..........................ولحدٍ من الدنيا عظامه سلومي
تضحك وتخفي لك خفى الهناديس
............................تفطر لها يومٍ ويومٍ تصومي
إعمل وتلقى وإفهم العلم بالقيس
.............................دنياك لو زانت تراها نقومي
والعز فوق معسكرات السواديس
........................ليا قصدت اللي بالأشياء رحومي
قبٍ تنازى بالنشاما كراديس
..............................والطير في روجاتهنه يحومي
ليا توافق مشور السوء وإبليس
.................................تبر منه وعز ربي يدومي
بالليل أصالي حاميات المحاميس
...........................والصبح ألاوي كل قباً قحومي
أربع سنين ودمع عيني أماريس
...........................والعين تسهر كن فيها هزومي
وليا ركبت معالجات المضاريس
..........................يبرد على قلبي لهيب السمومي
إن جن بنا مثل النعام الأماريس
........................لا خف عجلٍ مع رقاق الحزومي
أستلحق اللي يطلبون النواميس
.......................اللي من الأقصين وأدنى اللحومي
وإن جن بالميدان مثل الدواويس
.......................وطار الغطا عن قانيات الرقومي
عرجٍ بأهلهن كنهن القرانيس
......................على الطريح مصوبراتٍ كظومي
وليا سمك عج الرمك بالملابيس
............................المسعد اللي حظ ربعه يقومي
صوابنا بالميل عمقٍ ليا قيس
..........................وطريحنا في مثبره ما يقومي
ولا خير في كثر الحكي والتماليس
........................هرجٍ بلا فعل يجي به وهومي
لومي على اللي ينقلون العبابيس
.......................وأهل الفرنج وكل رامي لحومي
من لا يديس الرأ من قبل ما ديس
.............................عليه داسوه العيال القرومي
ومن لا يقلط شذرة السيف والكيس
............................يبدي عليه من الليالي ثلومي
والقصر ما يصلح على غير تأسيس
...........................ومن لا تعلم ما تفيد العلومي
ومن لا خذا الدنيا بميزٍ وتقييس
..........................مثل الذي يصبح بليلٍ يعومي
كلّ القلم من كتبنا للقراطيس
........................وإركابنا من كثر الأقران تومي
للشيخ من يعطي الفقارى المفاليس
.................................يبدّل الساعه بعزٍ يقومي
والحر لا دبت عليه النواميس
........................يشهر وعن دار المذلة يشومي
وليا إكترب من بعض الأشياء نسانيس
.........................إعزم ولابد الفرج بالعزومي
باب الفرج يلبّسك نظيف الملابيس
.......................ينجيك بأيام الكرب والزحومي
أوجس بقلبي مثل دق النحاحيس
.............................الله يلوم اللي لحالي يلومي
يجلى صدى قلبي ضبيح المهاريس
.........................لا قام شراب القهاوي يعومي
ودلالٍ فوق النار دايم مجاليس
............................إكرامهن حقٍ علينا لزومي
من صنعة الصبة وخمس التخاميس
.............................بريةٍ يعمل بها كل يومي
وبهارهن هيلٍ بليا حواسيس
..........................كيفٍ يعدى للنشاما القرومي
عدّه لحماي العياد المراويس
......................وألا الحصان اللي بقينه يهومي
حتى يزين لنا المثل والتوانيس
.....................والكيف طاب لمن يفك القحومي
وصلاة ربي عد رمل الطعاميس
.......................على شفيع الخلق يوم اللمومي


تركي بن حميد


( بعد ماكتبتها اٍكتشفت اني كاتبها للمره الثانيه )

لكن تستاهل .... ههههههههههههه .....


........................

رد: كشكووول القناص ...في الشعر ...!!

من الشاعر ........؟؟


[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياعل أهل مجنة تجيهم سحابه=سحابة تمطر عليهم دنانير

من شان مجمول ضحك لي بنابه=قلبي صخرني له على الشر والخير

القلب يقرا به ودوم يهذا به= يلوج لوج محرجات العصافير

حداهن صعصيع قليل زهابه= طقه نطوح وطار ريشه دعاثير

وقام بتالي نجدته والبلا به= ولاله على رد المثارا مقادير[/poem]


أملاها علي شيابنا .. أطال الله أعمارهم على طاعته ..

ولا أعرف قائلها ولا قصتها .......!!


..

رد: كشكووول القناص ...في الشعر ...!!

.... للشاعر سعد بن جدلان الأكلبي :



الا يالهبوب الباردة عجلي هبي

............................. على جاش من قامت هواجيسه تلوبه

أنا مرةٍ اصحى ومرن يغيبي

........................... وأسرح مع كثر الطواري بغيبوبه

ألا يادهر ماهوب حق تلاعبي

.......................... رماني الزمان لمقرد الخلق لعبوبه

عباد مغفلها الزمان وتعجبي

......................... يحسبون قل المال في الرجل عذروبه

وأنا قانع بللي علي كاتبٍ ربي

........................ ومومن بمقدوره وقانع بمكتوبه

ولا أبغى عمى الأريا برايه يجربي

....................... وهو ماعرف ماجوب ربي وما جوبه

هذور المجالس راعي المدح والسبي

......................... وهو في الخلا لو جاه بنت خذت ثوبه

يقولون لي جز من تصرفك وتحبي

....................... وانا توبتي من مجتمعهم هي التوبه

ديار الوبا من طبها راح متوبي

........................ وقرابة الجربا على الحول مجروبه

وانا عارف منصاي لمن بدا نبي

........................ واعرف طريقي اللي بتجه صوبه

وانا أعرف من أعادي وأعرف من أحبي

........................ وبه ناس لاتبغض ولاهي بمحبوبه


.........

رد: كشكووول القناص ...في الشعر ...!!

ولاٍبن جدلان أيضا:



[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]

اللي نحبه وبه تكبـر هقاوينـا =دايم على البال فالسرا وفالضرا

غلاه عندي يرجح فالموازينـا =وغلاي مايشتبه له فيه ويـورا

لو اٍنتزاعل ماعند قلوبنا فينـا=كنه يجينا الزعل وقلوبنا بـرا [/poem]



...............

رد: كشكووول القناص ...في الشعر ...!!

[align=center]نضيف إلى كشكول أخونا القناص هذان البيتان للشاعرة غريمة الشوق[/align]

[poem=font="Simplified Arabic,4,crimson,normal,normal" bkcolor="transparent" bkimage="" border="ridge,4,gray" type=0 line=0 align=center use=ex num="0,black"]
أحب نارك وتعذيبك وأهلي به ... وأفك باب الغلا وأستحمل عتابك
وأحب فيك الهجر والوصل ولهيبه ... وأحب لينك وعندك وأحسب حسابه[/poem]

رد: كشكووول القناص ...في الشعر ...!!

[align=center] نضيف إلى كشكول أخونا القناص هذان البيتان للشاعرة غريمة الشوق [/align]


[align=center]
أحب نارك وتعذيبك وأهلي به ... وأفك باب الغلا وأستحمل عتابك
وأحب فيك الهجر والوصل ولهيبه ... وأحب لينك وعندك وأحسب حسابه [/align]