تويت
يامسافرة وأنتي بقلبي مقيمه
شحّيت بدموعي / ولاني موادعك
ماعاد باقي غير دمعه يتيمه
أولى بها لاطوّل البعد / شارعك
دمعة غلا / ماهي بدمعة هزيمه
أكحل بها عيني / واراقب مطالعك
روحي وردّي مثل ما انتي حشيمه
وتذكّري شرط اتفاقيتي معك
لاتفتحين اذنك لهرج النميمه
لوحاول النمّام باسلوب يقنعك
وسِرّك لاتدري عنه ساره وشيمه
لين اخطبك / وآخذ مقاسات أصابعك
وإن كان لي فالعمر فرحه عظيمه
لابدّني متمشيٍ في مزارعك
ودعتك الله {يايدين الكريمه}
على رجاء يومٍ بالأحباب يجمعك
تعليق