[frame="9 60"]يقول من ضاقت عليه الوسيعه
ويا الفضى في ظلمته واتساعه
من عقب ماجته الظروف المنيعه
تعلن على حبل الوصل بالقطاعه
تساوت الفرقا عليهم سريعه
وهم من أول بالمواصل جماعه
كما بضاعة بنك كانت وديعه
محفوظة ٍ لاماتجيها طماعه
حامو عليها من يبون القطيعه
فكو خزينتها وصارت بياعه
وهو الضحيه بالحياه المريعه
وبضاعته جاها العنا والفجاعه
في ليلة ٍ كانت عليهم فجيعه
أول مساها والقمر في شعاعه
أصبح وجته أخبارها من مذيعه
ماكنها ألا لويتن في ذراعه
صدمه وشبت نار وسطه وليعه
من قوها وقف به الفكر ساعه
أضحى وهو بين الغثا والوجيعه
إلين دار اليوم جت له أذاعه
هدت عليه أمن الجروح الوقيعه
وقالت ترى صبرك يبي له مناعه
واليوم دارت ثانيه يامطيعه
والنوخذه صلح بدينه شراعه
يخاف من موج البحر لايقيعه
خايف على البحار لادش قاعه
وهو من أول مارضى بالوضيعه
من طول عمره يتصف بالشجاعه
يصبر وخابر صبركم فيه ريعه
لكنّ مابه غير غيبتك راعه
وأنت الوحيد اللي حشا مايبيعه
لو أن جار الوقت والبعد لاعه
يالله ترجع شملهم لاتضيعه
ولاينقطع صوت ٍ ينومس سماعه[/frame]