ياليتنا عقب البطا ما التقينا
عقب البطا لاقيت ظافي الجديلات
سلمت وقلت لنور عيني سلامات ..!
وش غيًرگ ويش السبب ما تبينا..؟!
دنق وقال ارجوگ إنه العلاقات ..!
شيء ٍحصل مآعآد هوَ في يدينآ..!
قلت السبب ..؟! قال الليالي غريبات
إنهِ العلاقه واعتبرنا انتهينا..!
انا بحبل انسان ماهي دعايات
ارجوگ ابعد خايف انًه يجينا ..!
طالعت فيه وهلت العين عبرات
في ساعةٍ غصبٍ علينا بگينا
حاولت اعبر عن همومٍ خفيات
بس الحگي شيفيد مهما حگينا
گتمتهن بالجوف لوهن قويات ..!
راضي على ماصار لو مارضينا
وآخر گلامه قال لي گم گلمات
( لاتسئ الضن شئ غصب علينا )..!
ولف العباه وراح وانا بحسرات
فرقاًجرت من غير ذنبٍ جنينا ..
وقفت اخايل غض الأنهاد لحظات
فيهن تهدم گل شيٍ بنينا
وقمت اتذگر گل شيٍ لنا فات
قبل ايتغير بالمحبه حدينا
ياما سهرنا بأظلم الليل ساعات
وياما طلع نور الفجر مادرينا
وياما لنا فوق المراقيب ذگرات
وعلى جبال الزور ياما رقينا
وياما تحملنا الصعوبات مرات
وياما على سود الليالي شگينا
على زمانٍ فات جريت ونات
لو هن على ضلعان مگه تلينا
اقرا الموادع بالقصص والروايات
لاشگ ماضنيت بيصير فينا
وارجع واگرر گلمةٍ لي بسگات
ياليتنا عقب البطا ماالتقينا..!