تويت
من عادتي لا عكّر الوقـت جـوّي
أخفي دموعي عن نظر كـل غالـي
ما ابدي تناهيدي ولو شـبّ ضـوّي
وادفن همومي بيـن فكـري وبالـي
وش عاد لو بركان حزنـي يـدوّي
ولاّ يهـد بداخلـي كــل عـالـي
الله بلاني ب(العقل) ويش اسـوّي؟
دربـي يميـل ولا يميـل اعتدالـي
حيّرت في ممشـاي حيلـة عـدوّي
لين اقتنـع فـي طيبتـي وانثنالـي
وقناعتي في ضعف (حوّاء) تقـوّي
عزيمـةٍ مـن دونهـا راس مالـي
ولا اذكر انّي قلت : ليتـي ولـوّي
وارضى بما يكتب عزيز الجلالـي
هذا وانا فـي سكّـة الحـب تـوّي
بأوّل خطاوي رحلتـي وارتحالـي
من عافته عيني هفـا مـن علـوّي
ومن حبّته نفسـي سكـن بالعلالـي
وصبّرت قلـبٍ بالغـرام امتكـوّي
وصبّرت صبري لين صبري شكا لي
إيه احترق شمعه لغيـري واضـوّي
لين البياض اخجـل سـواد الليالـي
تحدّنـي دنيـا المتاعـب واطـوّي
صفحاتها وانسى السنيـن الخوالـي
بالي على ميـل الزمـان امتـروّي
يا كثر ميلاته .. ويـا طـول بالـي
تعليق