[poem=font="simplified arabic,6,white,normal,normal" bkcolor="transparent" bkimage="backgrounds/26.gif" border="double,8,darkblue" type=1 line=0 align=center use=sp num="0,black""]
يامحسن المقناص في دار الاوناس = با الديره اللي من يجيها عشاقها
ديرت نشاما جالها كل عساس = الا أبست ثياب الخير والخضر ورقها
وتعاقبت اشجارها عقب اليباس = وتفتحت سبحان رباً خلقها
ياخذبها التفكير روحه ومرواس = بصنافها وشكالها من فرقها
تخالط النوار من كل الاجناس = يلعب ميوله مع نسيماً طرقها
وتوافدو من عندهم علم واحساس = ربعت رجالاً مايوصف رفاقها
ترافقو بالطيب من خيرة الناس = والكل منهم كل كلمه وثقها
وجابو بنادقهم على كل متراس = واصقورهم طرق الهواء ماسبقها
وتوزعو لصيد من قبل الادماس = في ديرتاً جول الحباري وسقها
وتعاقبت اطيورهم مثل الاقواس = تدلي مخالبها وربك رزقها
الله جعلها تنطلق مابها باس = ماردها لفح الهواء ولا حرقها
أبرقاء جناح يشلها كل قرناس = طير شتات الريش حراً صفاقها
وتحدرت من السماء مابها راس = من قو كفه من بعضها فرقها
وفرحوبها الاجواد من عقب الافلاس = أهل النفوس اللي بعيداً ضياقها
وزانت سوالفهم على كل مجلاس = ولاقت علوم الخير بلي نطقها
هاذي مزايا من بغا كل نوماس = ياأهل العقول اللي كثيراً وفقها[/poem]