تويت
البارحه يوم اظلم الليل مامسيت
عيني تبا المرقاد والقلب عيه
شفه شمال البيت ديرة هل الصيت
دار الصباح اهل الكرم والحميه
هي غايتي ياربعنا لو تمنيت
ديرة هلي ياعل ماهي خليه
اخذت من جرم الغظا ثم شبيت
نار المولع يوم عينه شقيه
جيت الهواء ياصاحبي مير ماقويت
اصد عن دربه سبب هالبليه
لاشفتها توقف وساقك ثنيه
منهو وقف في دربها قال ياليت
يعطف علي الزين ويركد بمشيه
العمر عشرن مع ثمان ن وعديت
ثنتين فوق الرقم هذا وشويه
لاجيت اعد اوصوفها حيل انا ازريت
كل الشعر ماعاد به مقدريه
العنق عنق الريم لو كان ماخطيت
وعين المها لعيون خلي شبيه
والنهد فنجال الكرم كان صبيت
والخصر كنه دلتن حاتميه
ولا الشفايا حمر من صاحب البيت
وليا اضحكة اسنونها لؤلؤيه
والوجه لا جيت ابشبه تقل ليت
يضوي ونوره ساد كل البريه
هذي وصوفه نفقص ياصاح ماوفيت
قلت معي احروفي الابجديه
هذا اللي شفته ياصحيبي وفزيت
مدري لقيته بحلم ولا برؤيه
لو قلت ابنسا صاحبي ماتناسيت
انسا جميع الناس غير الحوريه
ياليتني حبيت بنتن لها بيت
بيتن بوسط الارض نقدر بجيه
وياليتني لوكان فالليل مامسيت
من شان ماشوفه بحلمن ورؤيه
واختامها على النبي يوم صليت
شفيعنا من كل اثم (ن) وسيه
ماراق لي
تعليق