تويت
بسم الله الرحمن الرحيم
هذه القصيدة قائلها الشاعر / عبدالله الأدهم العنزي . من محافظة رفحاء أمام الشيخ / قالط بن غنيم الجهني في مدينة حائل طالباً شفاعته في قضية قتل نظرا لكون الشيخ قالط له باع طويل ومواقف جليلة في مثل هذه القضايا ..
جعلها الله في ميزان حسناته وجزاه الله خير جزاء ..
يوم زهمتنـــي قلــت سمــــي ولا بيـــس ***** أنـــا حياتـي فـدوت الجعفــريــة
قالت وصاتـي فــوق بيــض القراطيــس ***** اسلــم وسلمهــا لـزبـون الونيـــة
أقولـــــها مـــن زود هـــمّ وهــواجيـــس ***** وأشوف ميلات الـزمان القـــوية
والضيم أشوفه بــالوجيــه المعـــابيــــس ***** ياشفت أنا الأطفـال ضاقت عليه
واسهــر بليلــي والخـلايـــق نواعيــــس ***** ومنهو ينام وبالسجــن طـاح خيه
ومدري وش اللي صار خلف الكواليـس ***** وضعنا مابينا المقدية والخطيــــة
واحـس فـي كبـدي تـشــــب المجابيــس ***** وعجزت اميز بيـــن ذيــه وذيـــه
المسألــه ماهــي ســـــوالـف وتـدنيـــس ***** والعلـــم علـــم اللــه رب البــرية
ياشيــخ يابـن غنيـم راعـــي النــواميـس ***** مواقفك بالطيـب ماهـــي خفيـــــة
تشيـل حمــولـــن مايشيـــلنـها العيــــس ***** تمشـــي بهـــا رغم الرياح العتية
تسري بهن مع قـاسيـات التضـاريــــس ***** وتســري بهــن رجلـي بليا مطية
ولك عادتن ياشيـخ بفـك المحــابــيـــس ***** وإن قيل يابن غنيم وش انت ليــه
قــل تــم يابــن غنيـم بالجاه والكيـــــس ***** وبك الأمل معقود بحل القضيــــة
قدها ياخــو سنــــده بليـــا عواسيـــــس ***** ودق الحديد الصلب والنار حيـــه
وبشر عســـى يفـداك ناسن مفاليــــــس ***** من مكسب المعروف ولا الحمـيه
تعليق