[poem=font="arial,5,darkred,normal,normal" bkcolor="transparent" bkimage="" border="outset,4,green" type=0 line=0 align=center use=ex num="0,black""]
يا لله ياللي ما خشى غير خوف ٍ منك خوف = لاشريك ٍ له بملكه ولا يعبد سواه
فيك تشخيص البصائر ولك مـــــــد الكفوف = يا كريم ٍ يكرمون الأكارم من عطاه
عالم اللي ما أعلمه شايف الـــــلي ما نشوف = خافين سره والأسرار ما هيب تخفاه
لا جفانا القل واللي روابعـــــــهم ضـــعوف = جعل ربي ما يرينا غضبه ولا جفاه
ولا أنقفل باب من الرزق حراسه وقـــوف = فتّحت بيبان الأرزاق من كل أتجاه
والله أني شره وأن هـــقوتي ترقى الطـــفوف = غير عيا يستحي الفقر من وجه الغناه
كم تعـــبنا نحســـب الجـــهد يثمـــر ومخـــلــوف = وكل ما غرسها على قوز ينطحها صفاه
راكب اللي مثل نصب غبش قدم القنوف = شاص لند الفين تشفي على شوفه شفاه
لا أعترض روس الشطرطون قدام معكوف = كالشفق الأحمر على حد نوا ً من صحاه
فالطعوس البيض يزمي على روس الطنوف = مثل ما تزمي سحال الحليب من الرغاه
لنــقرش من عــالي العـــرق لي كـــنه محــذوف = مثل حيد مـــومين من علـــوه لا وطاه
مــثل شــــغـــموم على خـــدمة الخـــوة ولـــوف = يتـــغانم شــبة النـــار قدام خـــوياه
وكــن ســـبيره حــــبة الخـــال في عــاتق هنوف = لا لقت خطو عشيق تبين له غلاه
دق سلفه يركب الزيـت من فوق الـــبلوف = لاقضيت الفرض الأول وفضت من الصلاة
وأمش من بطن الشقيقه سلمت من الصدوف = ونحره بيت ابن درعان في بطن الغضاة
بيـــت شرهــــــين الهقـــاوي مـــدلهــة الضـــيوف = مسند اللي لاطلب عونهم وجه وجاه
عنـــد أبو فارس تـــريح على بــن وخـــروف = وأن نشد مفلح وش العلم قل علمي إعفاه
الرجـــال تقــول ما نـــصى عند الــــــظروف = كود رجــــال يســـد الــــلزوم لمــــن نصاه
ولا يفيد النـــــعم ويـــــصــير له بالمـــــدح نوف = كود رجال يعشق المراجل من صباه
لانشرح وضعي لمثلك سلمت من الحسوف = أن قدر وأن ما قدر ما نقص من غلاه
إن قدر يدرك لـــزومي مـــــلكني بمعــــروف = وإن تعذر عن لزومي عسى الدنيا فداه


[/poem]