تويت
رفض الواقع
ارفض ليالي الذل والحـزن والبيـن
وارفض جروحٍ (ن) بالحشا مستكينه
وارفض سيوف الغدر لوهي بعد حين
وارفض تشكلني كمـا كنـت طينـه
ارفض تقلـد مـن عذابـي نياشيـن
واليا متـى ابقـى لظلمـك رهينـه
سافرت رحت وجيت ماقلتلي ويـن؟؟
ادخـل علـى الله لاتزيـد الغبيـنـه
مايوم كذبتك ولـو قلـت تدريـن؟؟
الشمس كوكـب والمجـره سفينـه
لوقلت لندن حولوهـا الـى الصيـن
وشط الفرات اصبح على حـد سينـه
ولو قلت هتلر هـو ابناخـي لينيـن
وقصر الكرملن صـار يـم المدينـه
وروزفلت وريغن من شيوخ القحاطين
واللبرايت وتاتشر من قبيله جهينـه
وان الهـرم احـد معالـم فلسطيـن
وان القمـر ماعـاد لـه اي بينـه
ارخصت لجلك ناس كانـوا قريبيـن
وصدقت كـل اللـي تقولـه بحينـه
حتى بقـرارك ماعدلـت الموازيـن
ياصاح راح العمـر وقفـت سنينـه
ياسيـدي ارجـوك ابطلبـك شييـن
مابيـك تمدحنـي ولا تقـول شينـه
تعليق