تويت
[frame="7 60"]
[/frame]
ليه المسا عوق الشقاوي وصبه = وليه الهبوب تصحي القلب لابات
وليه القمر يدعي جريح المحبه = ويقول له ياهيه مافات ما مات
جرحك ظهر لوقلت للوجه خبه = وللحزن في ضحكك رسوم وعلامات
وليه المطر بالذات ريحه وصبه = كنه رسول بين الاحباب بالذات
اشتاق فيه لشوفتك واتنبه = للي نسيته من مواقف ونظرات
لا استانس الخافق ذكر مين يحبه = ورجع يراجع بالوناسات مافات
يامرتع القلب الحزين ومربه = يزين بك مثل الذهب صدر الابيات
هيهات ينسى القلب شخصآ لعبه = وهيهات يدله خاطري منك هيهات
نبع الغلا عندك وعندي مصبه = ومن الوله في خافقي لك ولايات
وطيفك حطب عيني وعيني مشبه = والشوق برد ما انقطع منه صبحات
مكانك الصدر ولك القلب شبه = بين الضلوع اللي فردهن التنهات
ولك بيرق بالقلب حبك يهبه = شامخ ولاهزه من العذل غارات
محبتك بالوقت ذا ماتشبه = الا بخيمه بدو بين العمارات
ان شفتني ضايق واهوجس واسبه = اخاف غدر الوقت والوقت دورات
لاتحسب ان دمعي نزل دون سبه = ابكي من الفرقا وهي بعد ماجات
اليوم كل امورنا مستتبه = وبكره ماندري وش معه من مسرات
أرب قلبك مثل قلبي اربه = مايخلفه كثر العذل والمسافات
وليه القمر يدعي جريح المحبه = ويقول له ياهيه مافات ما مات
جرحك ظهر لوقلت للوجه خبه = وللحزن في ضحكك رسوم وعلامات
وليه المطر بالذات ريحه وصبه = كنه رسول بين الاحباب بالذات
اشتاق فيه لشوفتك واتنبه = للي نسيته من مواقف ونظرات
لا استانس الخافق ذكر مين يحبه = ورجع يراجع بالوناسات مافات
يامرتع القلب الحزين ومربه = يزين بك مثل الذهب صدر الابيات
هيهات ينسى القلب شخصآ لعبه = وهيهات يدله خاطري منك هيهات
نبع الغلا عندك وعندي مصبه = ومن الوله في خافقي لك ولايات
وطيفك حطب عيني وعيني مشبه = والشوق برد ما انقطع منه صبحات
مكانك الصدر ولك القلب شبه = بين الضلوع اللي فردهن التنهات
ولك بيرق بالقلب حبك يهبه = شامخ ولاهزه من العذل غارات
محبتك بالوقت ذا ماتشبه = الا بخيمه بدو بين العمارات
ان شفتني ضايق واهوجس واسبه = اخاف غدر الوقت والوقت دورات
لاتحسب ان دمعي نزل دون سبه = ابكي من الفرقا وهي بعد ماجات
اليوم كل امورنا مستتبه = وبكره ماندري وش معه من مسرات
أرب قلبك مثل قلبي اربه = مايخلفه كثر العذل والمسافات
[/frame]
تعليق