[poem=font="simplified arabic,6,black,bold,normal" bkcolor="transparent" bkimage="backgrounds/27.gif" border="double,8,black" type=0 line=1 align=center use=ex num="0,black""]
لـــولا المـواقف ما عرفت الرجاجيــــــل =والرجــل يعرف بالشدايــد والافعــــــال
أنا اشــهـــــد به نـــــاس وقت البهاذيــل = لاجــــد وقت الجد تطـــرى على البـــال
من يعجبــــونك في جميــع المداخيـــل = نـــاس ٍ تعـــز الطيب من كل مدخــال
وما كـل رجــــال ٍ يمـــــــد الفناجيـــــل = يتبع دروب الطيب في كـل الاحــــوال
وترى العمـر ماهوب فـرق المشاكـيل = والهــــرج مايرفع من الناس دجــــــال
بعض الرجال كـبار لـكـن مهابيـــــل = المـرجلــــة ماهيب بالكـبـر والمــــال
وبعض الرجــال اجسـام لكـن تماثيـــل = جســم ٍ كـبيـــر وداخلـه قلب تمثــــال
يملى عيونك بالشكـل كـنه الفيــــل = ولاحـــان وقت الجد كـذبت الاشكال
ما ينفـعك وقـت الشقــــــا والغرابيــــل = ياليت تسلـــم من كلامـه والاقــوال
ومنهــو يـضــن إن المـظاهــــر دواليـــل = بـه ناس نقـص وتلبس شماغ وعقـال
والـــدلة اللي دون نــــــــار ومعاميــــــل = ماتسقـــي الخرمـــان لو ربع فنجـــال
وبعض الرجـــال يكيـد لك بالمحابيــل = يخفي بضحكه لك من الحقـد زلزال
الســـن ابيــض لكـن القلب ڪالليــــل = ماكل من يضحك معك يسعد الحال
ولولا الحسـد والبغـض والقــال والقيــل = كان العــرب صارت على قلب رجـــال
هذا كـــلام الحق من غيـــــر تبديـــــل = حبيت اقــول الصــدق والصـدق ينقـــال
اقبـــل كلامي فيه بعـــض التفاصيــــل = شــي مجـــرب ماخرصتـــه من البــــال
ولـولا المواقـف ماعرفت الرجاجيــــــل = وكان استوى بالهرج خايب ورجال
[/poem]