تويت
للذكريات بمهجة الروح وقفات *** تودع على نفس المعنى سعيره
تزورني بالليل واحيان ما بات *** وكم ليلة ن خلت عيوني سهيره
اسرح مع الذكرى على وين ماجات *** بافراحها وهمومها المستديره
وذكرت هند وهلت العين عبرات*** اللي سقت روحي معاني كثيره
بنتا عطاها الله من الزين لمحات*** بعيون تقطع قلب راع البصيرة
تنثر شعرها حدر الامتان زافات*** سبيب شقرا يوم صارت كسيره
اركوا عليها الرمي والخيل عجلات *** وارخى مصارعها وفاتت مغيره
عرفتها يوم الليالي شريفات *** قبل السنين الفاجعات الاخيره
شرخ الشباب اللي به الحب ومضات *** اللي سقتني من غلاه وعبيره
لاشك في درب الردى يوم ماجات *** ولا طاوعتني بالدروب العسيره
مديت يدي يوم للنفس شرهات *** وبكت وقالت عل الايام خيره
واقفيت واقفت والمدامع غريقات*** وهالحين مدري وينها باي ديره
مدري من الحيين والا من الاموات*** اللي لها بالقلب قصه وسيره
تزورني بالليل واحيان ما بات *** وكم ليلة ن خلت عيوني سهيره
اسرح مع الذكرى على وين ماجات *** بافراحها وهمومها المستديره
وذكرت هند وهلت العين عبرات*** اللي سقت روحي معاني كثيره
بنتا عطاها الله من الزين لمحات*** بعيون تقطع قلب راع البصيرة
تنثر شعرها حدر الامتان زافات*** سبيب شقرا يوم صارت كسيره
اركوا عليها الرمي والخيل عجلات *** وارخى مصارعها وفاتت مغيره
عرفتها يوم الليالي شريفات *** قبل السنين الفاجعات الاخيره
شرخ الشباب اللي به الحب ومضات *** اللي سقتني من غلاه وعبيره
لاشك في درب الردى يوم ماجات *** ولا طاوعتني بالدروب العسيره
مديت يدي يوم للنفس شرهات *** وبكت وقالت عل الايام خيره
واقفيت واقفت والمدامع غريقات*** وهالحين مدري وينها باي ديره
مدري من الحيين والا من الاموات*** اللي لها بالقلب قصه وسيره
تعليق