بسم الله الرحمن الرحيم



الشاعر / عايد ضافي الجلوي رحمه الله



هـنيت من يلحـق تمانيه ياحنيف *** قبل يصير لتالي العمـر سامـوح



كافحـة مع وقتـاً دروبه تعانيف *** نبي نضد الوقت والوقت مكبـوح



راحـاً جـديد أيامنا والعجـاريف *** وين الليال اللى بها ضحك ومزوح



الله كـريم يبدل الـوقت بالريـف *** عقب المحل يرجع للوطان برشوح



بدرب السحاب اللى لمزنه رفاريف *** بخشـوم غـراً بدجاء خلت له ضوح



أن ربعـة نفـودنـا والاطاريف *** والـبر زان وصار بالبر مصلـوح



من شان نرحل للطعوس المشاريف *** و الا الجلد وأن صار بالذكر ممدوح



عشبه جديد وكل ماذعذع الهيـف *** ديمه اليا هب الهواء ينعش الروح



اليا اختلط عشب الدحل والقفاقيف *** ماتفرق الريضان من خضرة السوح



مـار الليالي ماعطني على الكيف *** والا ان ودي اتـرك القصر وروح



بيتـاً بله دواً تـجيه الهـذاليف *** أخـير من قصر البرندات وسطوح



مشيك مع البيدا وسـاع الاطاريف *** مع كل درباً باب الارزاق مفتـوح