تويت
البشر عيب البشر والزمان امـره عجيـب
.........فيه بعض النـاس ماتستحـي مـن ربّهـا
مابقى بالناس حشمه؟ وما بالوقـت طيـب؟
..........والامور اللـي تبعّـد بنـا نقـرب بهـا ؟
المرض بالجسـم يشفـى ويلقالـه طبيـب
.........والقلـوب الفاهيـه ويـن نلقـى طبّـهـا
كان صار من الردى عند بعض الناس طيب
.......مدحـي لبعـض الرياجيـل يشبـه سبّهـا
ماهقينـا والهقـاوي تصيـب ولاتخـيـب
........لين ماغصنـا البحـور ووصلنـا غبّهـا
نعرف نميّز حدود العـدو مـن الصحيـب
.......قبـل مانعـرف وش المشكلـه ونطبّـهـا
والردى لازم يجيلك مـن بعيـد وقريـب
........والبـلا لاخـاب ضنّـك بنـاس تحبّـهـا
والمراجل نـدره ومثـل ماتحظـر تغيـب
......والجهالـه نـار تالـع علـى مـن شبّهـا
واللبيب يسوق ركبـه علـى درب اللبيـب
.........مايجمّـل هافـي امـوره وقـلـب بـهـا
والغريب بهالزمن كل شي اصبـح غريـب
.........خالف وتعـرف وزوّر بهـا تكسـب بهـا
ان نويت الصدق مالك مع الطيّب نصيـب
.......زيّف الكلمه على صاحبـك واكـذب بهـا
وان نصحت الناس من يستمع مايستجيـب
........وش فضـخ قلـب الاوادم وشـق قربّهـا
صار بعض الناس يلعب سواة ام الجنيـب
..........ميّـتٍ قلبـه يبـي فرصـةٍ يهـرب بهـا
والفرص واجد لكنّ الحيـا طبـعٍٍ مشيـب
..........ياكثر ماقلت عايـف وانـا معجـب بهـا
عيبنا طيـب النوايـا ولا بالطيـب عيـب
......مير يقدر يكسب النـاس مـن يلعـب بهـا
الله اكبر والله اكبـر ماغيـر الله حسيـب
........كل ماتشرق حثـال العـرب تغـرب بهـا
يوم درّت ناقـة الخيـر راحـو بالحليـب
.......ليـن ماعطفـت فرسنـا وقالـو شبّـهـا
يكبر الموضوع وان طـال ابعيّـد قريـب
.......احسـن اجنّـب عـن السالفـه واكبّـهـا
كان صار من الردى عند بعض الناس طيب
........مدحـي لبعـض الرياجيـل يشبـه سبّهـا
تعليق