تويت
بسم الله الرحمن الرحيم
مدري ورى ساعة الذكرى تبـكيني * وانا احسب اني صبور وصعبن بكايه
راضي براي وتدبيري ومرضــيني * واثر المقادير للمــــــــــــخلوق رمايه
من اول ازرى على ناسن كثيريني * واثر المعـــــــافين نـــــــــقاده وزرايه
مرة ليالي وشـهور ومرة سنيــني * ومرة احسب العيــــــون القشر نسايه
وقفت فالدار اصد يسار ويمـــيني * كني بغبة بحر من عمـــــــــــق ذكرايه
الله من هاجسن بالصدر يكوينـــي * علامة الحزن بانت في محــــــــــــيايه
يجيبني هم والآخر يوديـــــــــــني * كني سفينة بحر تلــعب بـها المـــــــايه
والله يالايام مدري وش تخفيني * مــــدري مع الرايحـــــــة والى مع الجايه
تعليق