تويت
يافلان تكفى ترى اللي فـي يكفينـي
ماني بناقص ترى الاخـلاق تعبانـه
أدري يهمك تعرف اللي حصل فينـي
بس المصاب أكبر من القلب ولسانـه
عش وقتك و خلني ماعـاد يمدينـي
أنسى عذابـي وأغنـي ليـل يادانـه
لكن ليا شفت دمعي طاح من عيني !!
لاتنشد الدمع ليش ؟ ومن على شانه ؟
من عام الأول وأنـا همـي معنينـي
في داخل الرووح والأضلاع جدرانـه
هم (ن) سكني ويجري في شرايينـي
أخاف لاأمـوت لا هميـت بإعلانـه
يافلان واللي خلقني ضاعت سنينـي
عسى عوضها على الخلاق سبحانـه
ضاعت دروبي ورى خطوات رجليني
واحترت مابين بنت النـاس وفلانـه
أحيان بعدي وطـار البعـد يغرينـي
وأحيان أقول البحر ياصعب مرجانـه
والدرب موحـش وعيـا لايودينـي
والوقت سكر بوجهـي كـل بيبانـه
تعليق