تويت
أخذت مـن زيـن القوافـي نقاهـا
وسطّرتهـا للـي بقافـي يحسّـون
ياعاذليـن النفـس هاتـوا دواهــا
نفسي عليله صابهـا ويـل وغبـون
سجّيت فـي حـال العبـاد ونماهـا
البعض يضحك واغلب البعض يبكون
نـاسٍ يعـل الكبـد كثـرة لغاهـا
وناسٍ لها تحقيـق الاقـوال قانـون
ونـاسٍ تبيّـح سـد منهـو دناهـا
وناسٍ على الجار المباعـد يغـارون
وناسٍ بحب المـال يظهـر رداهـا
وناسٍ بملفى الضيف ما تتبع الهـون
ونـاسٍ علـوم المرجلـه مبتغاهـا
وناسٍ لها النسوان صارن دركسـون
للطِيـب رايـاتٍ بعـيـدٍ مـداهـا
ماياصله من كـان بالـذل مفتـون
ومن جـر نفسـه للرذايـل جناهـا
سهله على اللي مالهم قلـب وعيـون
ومن عز نفسه فـي حياتـه قواهـا
في عزّته ياطا علـى كـل ملعـون
المرجلـه مـا سعّـروا مشتـراهـا
لو كان تِشرى مابقى ؟؟؟؟؟ وعفـون
بعض الملا عـادات جـدّه نساهـا
مِيتٍ يعدّونـه مـع اللـي يعيشـون
والنار تكوي رجـل منهـو وطاهـا
هذا صمال الهرج والهرج مـوزون
مثايـلٍ شـروى عيونـي غـلاهـا
أغلى من الياقوت لاصـار مكنـون
على النبـي صلّيـت فـي منتهاهـا
بعـداد مـن بالحـج لله يطـوفـون
للشاعر / ابن مرهون
تعليق