تويت
سامحك ربي يا فهد منـت مجبـور
تنقض جروحٍ في ضميـري خفيـه
سمعت صوتك يا فهد يابو مشهـور
وهيّضتنـي بلحونـك السامـريـه
حتى لمست بداخلي احساس وشعور
وطار الكرا والنـوم مـن ناظريّـه
ذكرتنـي بسنيـن وايـام وشهـور
ايـام كانـت فـي حياتـي هنيـه
ايام مـا تنسـى ولا يمكـن تبـور
مـرّت تقـل حلـمٍ لفانـي شويـه
يوم الغلا والولف والحـب لـه دور
بيني وبين الزيـن حلـو السجيـه
حب عفيـف ولا دخـل بيننـا زور
حبٍ حقيقي مـا دخـل بـه خطيـه
عشنا ثمان سنين والحب محصـور
بينـي وبينـه والمشاعـر قويـه
وغصبٍ علينا نفترق ما لنا شـور
وقفّـت بـه الايـام والعنصـريـه
وراحت وانا دمعي على الخد منثور
وبقيـت للذكـرى سنيـنٍ مـديـه
وحاولت اعيش الوقت داله ومسرور
واكسّـر قيـود الألـم مـن يديـه
ونقضت جرحي يافهد منت مجبـور
وهيّضتنـي بلحونـك السامـريـه
تعليق