تويت
الشاعر : سعد بن جدلان الأكلبي
يا ذا الجلال اللي عروشك فوق وأملاكك حـدر
مهمن تسامت به عروشه مستحيـل يطولهـا
يا حي يـا قيّـوم يـا ذات الأنافـه والكبـر
ما نافسك في عظمتك مكـر العبـاد وهولهـا
ولا نافسك من عمّر بيوته على سطح القمـر
واللّي ترسّي فـوق أقاليـم الميـاه سطولهـا
ولا انته بحاجة من عبد ولا بحاجة مـن كفـر
ولا بحاجـة ثابـت الدنـيـا ولا منقولـهـا
أنت السميع لمن حمد وانت المزيد لمن شكـر
واللي ما يشكر نعمة المنعـم عليـه تزولهـا
ياذا الجبروت العظيـم ويـا القديـر المقتـدر
تفزع لنا في معضـلات مـا نريـس حلولهـا
تلعب بنا خـلاّن فرغتنـا كمـا لعـب الكـور
أن دبّرت صاحوا لها وليا أقبلت صاحوا لهـا
وان هبّنا الطايف بعض الأحيان في فيّت عصر
شهب الليالي مـن ورانـا يسحبـن ذيولهـا
أنت السلام اللي لك الإسلام وأنت المشمخـر
اللي عجايب قدرتك فـي المعجبيـن ذهولهـا
سلام يا محمد رسول الله راعي الوجه الأغـر
وسلام يا روح ملائكـة السمـا صلّـوا لهـا
سلام يا ابوبكر يا عثمان يـا علـي وعمـر
وسلام يا سبـع الآفـاق أطلالهـا واسفولهـا
وسلام يا شمس الضحى تشرق على بر وبحر
تشرق على كـل الديـار جبالهـا وسهولهـا
سلام يا صدق النوى سلام يا وسـع الصـدر
سـلام يـا مفتـاح بيبـان الفـرح وقفولهـا
سلام يا غر السحـاب اللـي تبجّـح بالمطـر
وشم الجبال اللـي تبجـح بالسحـاب قذولهـا
وسلام يا هوج الرياح اللي عطاهـا مستمـر
مهما خذوا منها من الحسنات مـا ردوا لهـا
ليت الرحاب اللي لنا بوجيههـا حـق وقـدر
ما تضمحل من الزمان ولا نشـوف سمولهـا
ويا ليتنا لاما سرحنا اليوم الأبيض من فجـر
تبطي عبات الليل ما تضفـي عليـه سدولهـا
ولا ليا منهـا ضفـن سدولهـا يطلـع بـدر
ياصل ضياه اللي على الكوره تطـق طبولهـا
المعتبر ياخذ على الدنيـا دروس مـن العبـر
والنـاس يكسبهـا معاملهـا بقـد عقولـهـا
أحيان تصدف لعبة الشاطر مع غلطـت عمـر
مرة لكن لا عدّت الغلطـة مـا عـاد ينولهـا
حنا عرفنا كلنا ما طـال مـن شـيء قصـر
والأحلام ماتوا قبلنا شرهين ما وصلـوا لهـا
حتى الجمال اللي تحملهـا الهقـاوي بالصبـر
يالله بحملتهـا تقـوم وتــدّرج بحمولـهـا
والحب سيسـان العبـاده والعبـاده بالجهـر
إن ما قدرت تقولها وجـه الصحيـح يقولهـا
يسرون عميان المحبه تيه فـي غـدر الغـدر
للـي تحـد سيوفهـا واللـي تعـن خيولهـا
ولا تفكـر فـي غنـاه ولا تفكـر فـي فقـر
ويشفع لبيضان الصدور احضوضها وفعولهـا
وأهل التكلـف بالمعرفـة والتصنّـع بالبشـر
والله ما هي حول الصحيح ولا الصحيح بحولها
واللي يفضّل ما يقيّم بو ميه مـن بـو عشـر
حتى الفضوليه عن الفاضـل بطـل مفعولهـا
اللي تخبره لحيتـه ذا طولهـا يصبـح بـزر
واللي تخبره بزر تصبـح لحيتـه ذا طولهـا
يا ذا الجلال اللي عروشك فوق وأملاكك حـدر
مهمن تسامت به عروشه مستحيـل يطولهـا
يا حي يـا قيّـوم يـا ذات الأنافـه والكبـر
ما نافسك في عظمتك مكـر العبـاد وهولهـا
ولا نافسك من عمّر بيوته على سطح القمـر
واللّي ترسّي فـوق أقاليـم الميـاه سطولهـا
ولا انته بحاجة من عبد ولا بحاجة مـن كفـر
ولا بحاجـة ثابـت الدنـيـا ولا منقولـهـا
أنت السميع لمن حمد وانت المزيد لمن شكـر
واللي ما يشكر نعمة المنعـم عليـه تزولهـا
ياذا الجبروت العظيـم ويـا القديـر المقتـدر
تفزع لنا في معضـلات مـا نريـس حلولهـا
تلعب بنا خـلاّن فرغتنـا كمـا لعـب الكـور
أن دبّرت صاحوا لها وليا أقبلت صاحوا لهـا
وان هبّنا الطايف بعض الأحيان في فيّت عصر
شهب الليالي مـن ورانـا يسحبـن ذيولهـا
أنت السلام اللي لك الإسلام وأنت المشمخـر
اللي عجايب قدرتك فـي المعجبيـن ذهولهـا
سلام يا محمد رسول الله راعي الوجه الأغـر
وسلام يا روح ملائكـة السمـا صلّـوا لهـا
سلام يا ابوبكر يا عثمان يـا علـي وعمـر
وسلام يا سبـع الآفـاق أطلالهـا واسفولهـا
وسلام يا شمس الضحى تشرق على بر وبحر
تشرق على كـل الديـار جبالهـا وسهولهـا
سلام يا صدق النوى سلام يا وسـع الصـدر
سـلام يـا مفتـاح بيبـان الفـرح وقفولهـا
سلام يا غر السحـاب اللـي تبجّـح بالمطـر
وشم الجبال اللـي تبجـح بالسحـاب قذولهـا
وسلام يا هوج الرياح اللي عطاهـا مستمـر
مهما خذوا منها من الحسنات مـا ردوا لهـا
ليت الرحاب اللي لنا بوجيههـا حـق وقـدر
ما تضمحل من الزمان ولا نشـوف سمولهـا
ويا ليتنا لاما سرحنا اليوم الأبيض من فجـر
تبطي عبات الليل ما تضفـي عليـه سدولهـا
ولا ليا منهـا ضفـن سدولهـا يطلـع بـدر
ياصل ضياه اللي على الكوره تطـق طبولهـا
المعتبر ياخذ على الدنيـا دروس مـن العبـر
والنـاس يكسبهـا معاملهـا بقـد عقولـهـا
أحيان تصدف لعبة الشاطر مع غلطـت عمـر
مرة لكن لا عدّت الغلطـة مـا عـاد ينولهـا
حنا عرفنا كلنا ما طـال مـن شـيء قصـر
والأحلام ماتوا قبلنا شرهين ما وصلـوا لهـا
حتى الجمال اللي تحملهـا الهقـاوي بالصبـر
يالله بحملتهـا تقـوم وتــدّرج بحمولـهـا
والحب سيسـان العبـاده والعبـاده بالجهـر
إن ما قدرت تقولها وجـه الصحيـح يقولهـا
يسرون عميان المحبه تيه فـي غـدر الغـدر
للـي تحـد سيوفهـا واللـي تعـن خيولهـا
ولا تفكـر فـي غنـاه ولا تفكـر فـي فقـر
ويشفع لبيضان الصدور احضوضها وفعولهـا
وأهل التكلـف بالمعرفـة والتصنّـع بالبشـر
والله ما هي حول الصحيح ولا الصحيح بحولها
واللي يفضّل ما يقيّم بو ميه مـن بـو عشـر
حتى الفضوليه عن الفاضـل بطـل مفعولهـا
اللي تخبره لحيتـه ذا طولهـا يصبـح بـزر
واللي تخبره بزر تصبـح لحيتـه ذا طولهـا
تعليق