[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""] قبل القصيد ومطلعه وارتجالي =السلم سلم .. وغصب عنا .. اتباعه
حيالله اللي دون غيري عنالي =أبشرلك .. برجـــلٍ .. يشمر ذراعه
فل ..الدفاتر .. فلها .. فلهـــا .. لي =هتان شـــــعري ماخشيت انقطاعه
ماضاق حرفي في مساحة خيالي =وماقد تصنعت .. المعاني .. صناعه
اقرب عليّه .. من سمارة .. ظلالي =وابعد من نجوم السما .. بارتفاعه
عالي وجيت ملايعٍ حرف عالي =ماني مخيب .. هقوته .. وانطباعه
مابالردى ياصاحبي .. هملالي =واخوك .. عنده للتردي .. مناعه
رابع بيوتك .. وين ممشي اقبالي =فزيتـــله ..من قلب .. فزة شجاعه
ويش انت شايف غير ميلة عقالي=وانت اتعرف راعيه وشهي .. طباعه
ويـــــــلان ,, مبطي حاميين التوالي =عدونا نجليه ... والقاع .. قـــــاعه
مثل الذهب .. بين الجواهر يلالي =ومثل النخل .. بين الشجر والزراعه
ياصاحبي حلاة مابي اخبالي = وصدري شمالي مايضيق اتساعه
مامر بالك مر مبطي .. فبالي =لاتندفع .. خلف الزمن واندفاعه
متنا عطش والــكلب يشرب زلالي =جعنا .. ولكن ماشكينا ..المجاعه
يوم الردي يجمع على المال مالي =الوايلي .. من ضيق يرخص متاعه
ياصاحبي خلك تروم المعالي =السبع سبع .. ومايعاشر اضباعه
ماظل من هالعمر يسوى الزوالي =وأبشرك .. علم .. التوابع اشـــاعه

[/poem]