تويت
( ليلة فراق )
7
7
7
7
الليله هذي واضحه ليل افراق
حاولت اعديها وعيّت تعدي
اظروف ماتنطاق ولا راح تنطاق
صد القدر ماهو بصدك وصدي
تعال خذني بين اياديك مشتاق
قبل انتفارق حط يدك بيدي
بجلس معك ساعه حبايب وعشاق
من بعدها كيفك ولو صرت ضدي
فيني خليط اشواق باشواق باشواق
واصل معك من كثرة الشوق حدي
ودي المك واحضنك حضنت عناق
ياشيب عيني كل ماقلـت ودي
في خاطري وش خاطري خاطري ضاق
الكون كله ضاق ماهو بقدي
حتى الدموع اللي استحت كبر واخلاق
تساقطت من فوق خدك وخدي
لوحة شعر تبكي على بيض الاوراق
بيّحت فيها من ردى الحظ سدي
ليله جفا وافراق مامثله افراق
حاولت اعديها وعيّت تعدي ..
تعليق