[poem=font="simplified arabic,6,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الضيق ما هو بالســـعه .. والمســــاحه = الضيق..لا ضاقت بـــك قلــوب وارواح

والبعد عن ما تكره النفــــس .. راحــه = من لا تــوده .. فارقه يــــوم .. ترتاح
وتبســمك بوجيــه ربعـــك .. سمـــاحه = خلك بشــوش .. تعيش بــ أيامــك .. افراح

وحظك يعـــزك من يرفـــرف جنـــاحه =يجيــب من ودك .. يجــي لـــك ولو.. راح

والكبــــر لــلـــه .. والتكــــبر بجــاحه = والوقت نصه "جـد" .. والباقي "مزاح"

والصوت حشـــمه .. وارتفاعـه وقاحه =كذاب .. من قال انطـح صياح ... بصياح


و أما الزعل .. لا بد تكبـــح جمـــاحه =اصبر تشوف ان الفــــرج بارقه .. لاح

والحق.. يثبت في كـــلام الصـــــراحه = مثل السمـــاء ما همها النجـــم لو .. طاح

بعض العيــون تشوف فيها .. شفـــاحه =ما كنها .. الا بس " نظـــرات الاشبــاح

وعيــــون تاخذ هاجســـك لانشراحه = نظراتها تحنـــان .. والرمــــش .. ذباح

كم كحل ضم الشوق والدمع .. ازاحه "=وياما كحل .. يقعد له سنيـن .. ما ساح

ودنياك ،، لو ضاقت بكـــل .. المســـــاحه = تلقى السعه والحب .. بقلوب وارواح[/poem]