[poem=font="traditional arabic,7,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ألا يا راعي اليمنى الطويلة ماعليك خلاف=بالمثل قيل الشدايد ما لهـــا إلا رجالهــــا
الحمول الكايـدة مايبغى لها ناس(ن)خفاف=يبغى لها رجل(ن)صميدع لا تحيزم شالها
والمراجل دربها كايد ماهي بعرض الكتاف=ولاكل من يبغى العلــــوم الغانمة يقوا لها
ياكم رجل لا من بغيته بالصعايب ما يشاف=ويا كم رجل بأفعاله رجوم الشرف يرقا لها
والخوف كانه ـتــردى بواجب الخوه يعاف=يفترض مثلـــــه يلازم حرمتـــه وعيالهــا
وش حياة الرجال لا عابو بها بأتلى المطاف=عيشت أمثاله حرام ولو تموت أشوا لها
والحمد للي عزني عن خوة رجال(ن)سخاف=وعز ضاني بخوة(ن)نادر وجود أمثالها
أقسم بجاه اللي على العزه فطرني ماأخاف=وروس الحبال اللي تعقد أنا حلالها
أنا بعون الله حزامك يارفيقي بالعجاف=أنا لها واللي خلق ياصاحبي أنا لها
وخذ وعد مني بحق اللي يخوف ما يخاف=رازق ضعوف(ن)على جوده بنت امالها
ما يفرقنا يا كود موت لو يحصل خلاف= ولا أخونك حتى لو دنياي خانت حالها
وياعسى رب الخلايق يبتلي عيني بكفاف=إن كان ماني عزوتك وقت المحن وأهوالها
كلمة شرف توجتها بتاج الطهارة والعفاف=ولي الفخر لا قيل سلطان الرويلي قالها
[/poem]