[poem=font="simplified arabic,6,white,bold,normal" bkcolor="transparent" bkimage="backgrounds/21.gif" border="double,7,darkblue" type=1 line=1 align=center use=ex num="0,black""] الغيم كنز السما و الارض جـوع و فقـر=يالله تلقّـح لنـا هـذي بهـذي سـيـول
اهل الكفوف الفقيـره يحترقهـا الصبـر=حتى الوجيه اعتراها من حَزَنْهـا خمـول
لبيك يا الله و ذنـوب البشـر ف/البشـر=لبيك و اغفر ذنوب ٍ ف/المدايـن تجـول
لو كان لون الحسد قاتـم و لونـه حمـر=لكن رحمتك؟.. من رحمتك فينـا, تطـول
البارحـه و الخيـوط اتمـدّنـي للفـجـر=تفتلني افكارها و اصبحـت منهـا فتـول
ما لي مـن الامهـا قـدام عينـي عـذر=حتى ايش لو الجفن مما حدانـي زعـول
مما سكن في رحاب الصدر ضاق الصـدر=و المشتكـى دون وجـه الله ذِل الحلـول
طاحت جباه الشعر من فوق عرش الشعـر=و اتّوّجوا بالشعر من يضربـون الطبـول
ليت الوجيه الثلاث تمـوت عطشـا نهـر=احسن لها من حياةٍ مـا رواهـا القبـول
لعيون بنت الجمال!!!.. يستاء وجه الفخر=وْمِن طيحة الفحل نـازت للمعالـي ذلـول
اللي ربت باسمها فـوق الثـلاث الحُمُـر=سمّت على اشنابهم و ارخت عليها ت.....
يـا ثانـي الدهمشـي لله فينـا الامــر=صحيح نص البشـر مسكونـة ٍ بالذهـول
حضرت كلك شموخ ٍ هـز عـرش القمـر=وْسطّرت معنى الرساله للشعر يـا رسـول
انت الكبير ان تقـدّم لـك كبيـر ٍ صَغَـر=و انت الصحيح ان تسبب بالخطا لك خبول
و انت الشعر لانفتل للشعر شطر و شطـر=و انت انهمار المعاني ف/ المحافل هَطـول
و انت البطل لادّعى من لا يعرف النصـر=في عين جالوت يا الظاهر هزمت المغـول
حنا معك يا الخوي و الفَخْر يـا ذا الفَخَـر=باسمك مسطّر مع الويلان دهـم الخيـول
لا تأسفنّ الزمـانْ ان شـدّ حيـل القهـر=اِقدِم على مقبل الايام يـا ابـن الزحـول
و اليا عطتك الليالـي مـن عناهـا ظَهَـر=اخزم على خشمها يا الدهمشـي بالقفـول
و اخير من شاعر المليون سجـدة سَحَـر=في جاه حـق العزيـز و فالهـا بالقبـول [/poem]


[align=center]
الشاعر / شفق السريع
[/align]