[poem=font="simplified arabic,6,white,bold,normal" bkcolor="transparent" bkimage="backgrounds/38.gif" border="double,6,crimson" type=1 line=0 align=center use=ex num="0,black""]

يا تاج رأس المملكة شعبك يقدم لك سلام=رسالة(ن)من شعبك الوافي وانا مرسولها

رسالة(ن)ماهي على نهج التوجّد والهيام=الا على نهج الفخر وإذا سمحت اقولها

افرد احجاجك وابتسم عودتنا للابتسام=لا لا تغيّر عادتك وانت الجمل لحمولها

لا يزعجك يا سيدي زنّة خفافيش الظلام=حنا لها والمملكة محد(ن)يقرّب حولها

ملعون ابو الحوثي وابو من حثّه يعكس النظام=ما للقرود الا القفص ليا لفلفت بذيولها

اللي يحلل قتلنا في اول شهور الحرام=الشرع حلل ذبحته ودقّو عليه طبولها

اللي يخومر بالجبل واللي يهدد بالكلام=قوات ابو متعب لهم كل(ن)يعرف فعولها

من دون رمل المملكة لا مانهاب الاصطدام=لعيون ابو متعب نعم نقولها ونطولها

من كان لله نيّته مثلك فلا يمكن يضام=ومن يمطر لشعبه خفا يقطف وفا محصولها

لو كل من يحكم مثل حكمك بنا عم السلام=وما كان صارت معركة في عرض الارض وطولها

صبح النزاهة داخلك يقتل ظلام الاتهام=والحل عندك لا عجز غيرك يجيب حلولها

القافله تمشي يابو متعب وفي يدك الخطام=ومرضى العقول ليا غدت سيفك يرد عقولها

كل القبايل تنتظر رهن الاشارة يا إمام=برواحها .. بسلاحها..ورماحها..وخيولها

حتى العمى لو تزهمه ياقف ويعطيك التمام=ناظر اعيال المملكة بأرواحهم ضحّو لها

شعب السعودية على حبك وربي ما يلام=يكفي لياجت سيرتك من حبهم فزّو لها

تملك زمام قلوبنا حشمة وهيبة واحترام=مانلتفت لمسفّه العالم وهرج خبولها

هذي رسالة شعبك الوافي قبل مسك الختام=نيابة(ن)عنهم خلف مشعان جاك يقولها

افرد احجاجك وابتسم عودتنا للابتسام=لا لا تغيّر عادتك وانت الجمل لحمولها[/poem]

[align=center][tabletext="width:40%;border:1px double darkred;"][cell="filter:;"][align=center]الشاعر ( خلف المشعان) [/align][/cell][/tabletext][/align]