تويت
في موضوعي هذا راح استعرض لكم مثالين اثنين فيهم شرح وافي "ان شاء الله" عن تكاليف الزواج والي يعتبرون خلاصة معاصرتي لزواج اشخاص اعرفهم عز المعرفة تزوجوا خلال الخمس سنوات الماضية وهم (عدد 2 اصدقاء...و 3 عيال عم...و2 ولد خال...و 2 عيال عمة)...وبعطيكم اكثرهم مصاريف واقلهم مصاريف. بس هذا ما يمنع ان فيه ناس تكون مصاريفهم اكثر من المذكور واقل من المذكور في المثالين...لإختلاف الأقدار وقسمتهم ونصيبهم ورزقهم في هذي الدنيا...وكذلك مدى التكاتف والتقارب بين العوائل في حالة حصول حالة زواج لقريب بينهم.
والان ابي ابداء لكم في مثالي الأول والي هو عبارة عن اعلى تكاليف زواج قدر لي ان اعرفها واعيشها.
المثال الأول:
في هذا المثال لصديق عمره 32 سنة وابيكم اول شيء تذكرون الله عليه ولا تنظلونه...هو كان وارث خير من ابوه بما لا يقل عن 20 مليون ريال (ولو ان خوانه وخواته كثار وعددهم 26 كان صار نصيبه اكثر من كذا...بس كان ابوه الله يرحمه مزواج!...ماخذ ست حريم توفت ثنتين على حياته...ومطلق له وحده كان جايب منها بس اربعة !)
وهذا الولد كان عنده دخل سنوي من وظيفه يشتغل فيها (والي مدري وش مجلسه فيها للحين!) يعادل 400 الف ريال...وهو عبارة عن رواتب + بدلات + ال commission (العمولة) الي تجيه منها...بمعنى اخر يكون دخله الشهري من الوظيفة فوق ال 33 الف ريال...والي بصراحة يعتبر دخلها فوق الممتاز خصوصاً وهو بهذا السن...تدرون ليش قلت لكم فوق الممتاز؟
لأن الطبيب الإستشاري (عقب ما يطلع الشيب في راسه وتلاقي عمره يصك ال 40 او 45 علشان يوصل لمرتبة الإستشاري) تلاقون رواتبهم (((في سلم الكادر الصحي الحكومي الجديد...والي توهم معدلينه وزايدينه لهم)))...يبداء من 21 الف ريال الى 46 الف ريال كأقصى شيء!
على العموم نجي للأسرة الي ناسبها...طبعاً بما أن الولد ولد تجار واعمامه وخواله تجار...فأخذ له وحده من مستواه...(ياربي مدري ليش البطارى كذا؟ تتوقعون علشان ما تنقص عليهم الدراهم ويتوهقون ولا وشو بالضبط! ههههه)...بس الحق ينقال اهل المره كانوا اكثر بطره منهم...ولهم شنه ورنة...وكما سمعت ولاني متوكد...كان المهر والشبكة 500 الف ريال...والي يعتبر ولا شيء بالنسبة لأهل المره فاحشي الثراااء...(والي ودي افوحش مثلهم! ههههه...بس عارف ما يحصل لي...وراح ينشق السروال ههههه)...بس يالله اهم شيء الأخلاق (-:
نجي للعرس...طبعاً كان في فندق 5 stars للحريم والرجال...والمعازيم كانوا من طقة شيخ وامير ووزير وتاجر ومدراء وتنفذيين بشركات كبار(مع ملاحظة ان واحد من المعازيم كان من عيال البهوات ولا نبي نذكر اسماء (بمعنى اخر...من الي يطلعون بالأخبار في قناة غصب واحد ههههه...يعني ماهوا درجة سياحية فاهمين علي) اممم مدري وش اقولكم؟ يعني من الي يسمونهم نخبة المجتمع (الي ما اقول غير...الله يجمعنا مع محمد صلى الله عليه وسلم واصحابه الي مافي مثلهم في جنات النعيم)...الزبدة اذا كان هذولا المعازيم فتوقعوا ان العرس مكلف فوق 500 الف ريال.
بصراحة...مدري...شرايكم...تبوني اكمل؟...انا اشوف ماله داعي نكمل!!
خلونا نروح للمثال الثاني والي راح اضرب فيه تكاليف زواج اقل شخص عرفته...والي كنت شايفها ومطلع عليها بحذافيرها...والي يمكن خلاني اسأله وخلاه يجاوبني قربنا ومحبتنا لبعض.
المثال الثاني:
في هذا المثال لقريب لي دخله السنوي مع البدلات وكله على بعضه 62 الف ريال...يعني 5167 ريال بالشهر...وعمره وقت الزواج 24 سنة وزواجه كان بعام ال 2005...وابو الشباب هذا غير الأولي...يعني على قد حاله...جلس متوظف سنتين يبي يجمع للزواج وتكاليفه وما قدر يوفر غير 30 الف ريال...وما ينلام...لأن ابوه ضعيف مادياً...وما قدر يوفر لولده دراهم يدرس فيها بالجامعات او المعاهد علشان يتوظف بوظيفة محترمة ترفع من دخله وتخليه يوفر اكثر للزواج (لحد يجي ويقول الجامعات عندنا ببلاش...لأن فيه ناس تجيب فوق 90% وما تلاقي كرسي الا بجامعات الخاصة وان لاحظتوا كثرة الجامعات الخاصة بسبب قلة استيعاب الجامعات الحكومية)...وحبيبنا هذا كان طول فترة السنتين يقسط قيمة سيارة يركبها ويروح ويجي عليها لدوامه ومشاويره...يعني بالعربي ما كان حظه حلو وما لقاء شيء موفر له ويحتاجه الشاب في اول حياته.
ولكن الولد هذا كان محبوب وجته مساعدات من القرايب بحدود ال50 الف ريال...فصاروا 80 الف ريال...ولحقهم بقرض من البنك (الي الله لا يوفقهم مجتمعين) ب40 الف ريال..فصار قسطه الشهري ألف ريال ولمدة خمس سنين...يعني راح يدفع لهم 50 الف بدل ال40 المستلفه! وطبعاً غير الاقساط المتبقية لقيمة السيارة السالفة الذكر.
المهم حبيبنا هذا كانت مصاريفه كالتالي:
الولد هذا زبرق نفسه واشترى له ملابس وعطور وشغلات ثانية بحدود 4000 ريال...وقدم مهر 30 الف ريال و اعطى الشبكة نقدي وقال لهم انتو اشتروها على ذوقكم وكانت 5 الاف ريال...وجاب معاه ساعه ودبله بحدود 3 الاف ريال بيوم العقد...واهدى زوجته هدايا بفترة الملكة بحدود الفين ريال...فصار الأجمالي 40 الف ريال.
وبما ان الرجال يقرب لي...فعادةً ما يكون عندنا عرس الحريم على اهل البنت...والرجاجيل على اهل الولد...ولكن هو ما سوا عرس للرجاجيل وخلاها حق السفر مع زوجته...وبصراحة هو كذا صح ويعجبني...وانا ناوي اسوي مثله اذا حلمت في الزوج ههههههه احلم بس
نجي للسفره والي كانت مختصرة وبس 8 ليالي...طبعاً تذاكر طيران دولية من البحرين الى ماليزيا+تذاكر طيران محلية بين الجزر هناك...كانت بحدود 6000 ريال...الحجز بين فنادق 4 نجوم و5 نجوم كانت بحدود 3200 ريال...مصاريف تكاسي وسواقين طول فترة الرحلة كانت بحدود 2000 ريال...مصاريف التمشي مثل تذاكر الدخول للأماكن السياحية والمطاعم والكافيهات والسنيمات كانت بحدود 3000 ريال...الشوبينج حق مرته "المفجوعة" كان بحدود 2000 ريال (مالي شغل هو الي يقول كذا ههههه...لأنه يقول ما كأنها توها معرسه ومجهزه حالها...بس كنت اقوله مهرك كان معقول بس مو كثير...مابي اجرحه)!...اممم جاب معاه شوية سوفينير وهدايا لأهله واهلها...بحدود 1000 ريال....يعني الأجمالي (6000+3200+2000+3000+2000+1000= 17200 ريال).
نجي للشقة...طبعاً إيجارات الشقق كانت ماهي بمثل الحين!...يعني ايجارات وقتنا الحالي تزيد بالقليلة 25% عن ايجارات 2005...(ما نقول غير اللهم يا كافي...والله يعينا يالمقبلين على الزواج)!
كان ايجار شقته ب17 الف ريال بالسنة...يعني دفع مقدم ستة شهور مع عمولة المكتب العقاري ومقدم فاتورة الماء لسنة (8500+500+200) يعني 9200 ريال.
نجي للأجهزة الكهربائية وخلافه:
اشترى له 4 مكيفات شباك ب4800 ريال...وظل عنده غرفة النوم الثانية والمقلط ما ركب فيهم مكيفات...يعني ركب بس بالغرف الي يبي يستخدمونها فعلياً (مثل غرفة النوم والمطبخ والصالة والمجلس)...اشترى له ثلاجة ب2000 وفرن ب2000 وغسالة ب1000 واشياء بسيطة مثل ميكرويف وبرادة ماء ومكواة ومكنسة وتأسيس هاتف ثابت على ستلايت ب2000 ريال...خصص مبلغ 1500 ريال لأواني المطبخ علشان زوجته تشتريها...لأنه ما يعرف...اشترى له تلفزيون على دي في دي وفيديو ب2500 ريال)
يعني الأجمالي حق الأجهزة كالتالي (4800+2000+2000+1000+2000+1500+2500 = 15800 ريال)
نجي للأثاث والستاير وخلافه:
غرفة نوم...اشتراها ب6000 ريال + مرتبة ب1000 ريال + مفرشين للسرير ب2000 ريال + ابجورات ولوح واكسسوارت 750 ريال + ستارة 500 ريال + موكيت (سجاد) ب500 ريال...يعني 10,750 ريال اثاث غرفة النوم.
اشترى طقم المجلس ب6000 ريال + طاولاته ب1500 ريال + الأبجورات واللوح والإكسسوارات ب750 ريال + ستارة ب500 ريال + على كم قطعة سجاد ب500 ريال...يعني 9,250 ريال.
الصالة...كلفته مثل تكاليف المجلس بس زاد عليها المكتبة...يعني 9,250 ريال
المطبخ...ادراج المطبخ كانت راكبه والشقة جديدة وما اضطر انه يفصل له مطبخ جديد...اللهم بس اشترى له طاولة طعام وسلندر غاز ب2000 ريال.
يعني تكاليف الأثاث وملحقاته كالتالي (10750+9250+9250+2000 = 31250 ريال)
بمعنى اخر كانت تكاليف تجهيز عش الزوجية كله على بعضه كالتالي (9200 الإيجار وخلافة + 15800 اجهزة كهربائية وخلافة + 31250 اثاث وخلافة = 56,250 ريال...بس هاه لا تنسون...هذا الكلام سنة 2005 يعني الإيجارات ما كانت مثل الحين)
يعني بالعربي كلفه الزواج كالتالي:
اغراضة الشخصية = 4 الف ريال
مهر وخلافة = 40 الف ريال
الإيجار والأجهزة الكهربائية والتاثيث = 56.25 الف ريال
السفر = 17.2 الف ريال
الأجمالي = 117.45 الف ريال
يعني ما بقى معاه من 120 الف ريال...الا مبلغ الفين ونص يقزر بهم هو وزوجته لاخر الشهر!
ولكن السؤال الي يطرح نفسه...والي موجه للبنات...هل فكرتي بظروفه؟ هل فكرت انه لو كان عنده ما كان يقصر وياها...هل اصلاً فكرت ان 90 الف ريال من 120 الف كانت عبارة عن عطايا وقرض من البنك؟...بمعنى اخر 41.7% من ميزانية زواجه كانت عبارة عن اعطيات و 33.3% عبارة عن قرض من بنك والي توصل مع الفوايد 41.7% من ميزانية الزواج...طبعاً غير اقساط سيارته!
هل فكرت انه تلوع كثيرررررررررر علشان يتزوج؟ هل فكرت قمتها عنده يوم دفع الي قدامه والي وراه وحمل نفسه ديون علشان يتزوجها...ويستر نفسه ويسترها معاه؟
ياترى هل فكرتوا معي بحال من هم رواتبهم دون 5167 ريال...هل فكرتوا معي بحال بعض الأسر الي ما فيها هذا التكاتف الي عندنا؟ ارجوكم خلونا نكون شوي منطقيين وواقعيين...لأن الستر والسكن للجنسين مطلب ضروري وملح في عصر مليء بالفتن.
__________________
والان ابي ابداء لكم في مثالي الأول والي هو عبارة عن اعلى تكاليف زواج قدر لي ان اعرفها واعيشها.
المثال الأول:
في هذا المثال لصديق عمره 32 سنة وابيكم اول شيء تذكرون الله عليه ولا تنظلونه...هو كان وارث خير من ابوه بما لا يقل عن 20 مليون ريال (ولو ان خوانه وخواته كثار وعددهم 26 كان صار نصيبه اكثر من كذا...بس كان ابوه الله يرحمه مزواج!...ماخذ ست حريم توفت ثنتين على حياته...ومطلق له وحده كان جايب منها بس اربعة !)
وهذا الولد كان عنده دخل سنوي من وظيفه يشتغل فيها (والي مدري وش مجلسه فيها للحين!) يعادل 400 الف ريال...وهو عبارة عن رواتب + بدلات + ال commission (العمولة) الي تجيه منها...بمعنى اخر يكون دخله الشهري من الوظيفة فوق ال 33 الف ريال...والي بصراحة يعتبر دخلها فوق الممتاز خصوصاً وهو بهذا السن...تدرون ليش قلت لكم فوق الممتاز؟
لأن الطبيب الإستشاري (عقب ما يطلع الشيب في راسه وتلاقي عمره يصك ال 40 او 45 علشان يوصل لمرتبة الإستشاري) تلاقون رواتبهم (((في سلم الكادر الصحي الحكومي الجديد...والي توهم معدلينه وزايدينه لهم)))...يبداء من 21 الف ريال الى 46 الف ريال كأقصى شيء!
على العموم نجي للأسرة الي ناسبها...طبعاً بما أن الولد ولد تجار واعمامه وخواله تجار...فأخذ له وحده من مستواه...(ياربي مدري ليش البطارى كذا؟ تتوقعون علشان ما تنقص عليهم الدراهم ويتوهقون ولا وشو بالضبط! ههههه)...بس الحق ينقال اهل المره كانوا اكثر بطره منهم...ولهم شنه ورنة...وكما سمعت ولاني متوكد...كان المهر والشبكة 500 الف ريال...والي يعتبر ولا شيء بالنسبة لأهل المره فاحشي الثراااء...(والي ودي افوحش مثلهم! ههههه...بس عارف ما يحصل لي...وراح ينشق السروال ههههه)...بس يالله اهم شيء الأخلاق (-:
نجي للعرس...طبعاً كان في فندق 5 stars للحريم والرجال...والمعازيم كانوا من طقة شيخ وامير ووزير وتاجر ومدراء وتنفذيين بشركات كبار(مع ملاحظة ان واحد من المعازيم كان من عيال البهوات ولا نبي نذكر اسماء (بمعنى اخر...من الي يطلعون بالأخبار في قناة غصب واحد ههههه...يعني ماهوا درجة سياحية فاهمين علي) اممم مدري وش اقولكم؟ يعني من الي يسمونهم نخبة المجتمع (الي ما اقول غير...الله يجمعنا مع محمد صلى الله عليه وسلم واصحابه الي مافي مثلهم في جنات النعيم)...الزبدة اذا كان هذولا المعازيم فتوقعوا ان العرس مكلف فوق 500 الف ريال.
بصراحة...مدري...شرايكم...تبوني اكمل؟...انا اشوف ماله داعي نكمل!!
خلونا نروح للمثال الثاني والي راح اضرب فيه تكاليف زواج اقل شخص عرفته...والي كنت شايفها ومطلع عليها بحذافيرها...والي يمكن خلاني اسأله وخلاه يجاوبني قربنا ومحبتنا لبعض.
المثال الثاني:
في هذا المثال لقريب لي دخله السنوي مع البدلات وكله على بعضه 62 الف ريال...يعني 5167 ريال بالشهر...وعمره وقت الزواج 24 سنة وزواجه كان بعام ال 2005...وابو الشباب هذا غير الأولي...يعني على قد حاله...جلس متوظف سنتين يبي يجمع للزواج وتكاليفه وما قدر يوفر غير 30 الف ريال...وما ينلام...لأن ابوه ضعيف مادياً...وما قدر يوفر لولده دراهم يدرس فيها بالجامعات او المعاهد علشان يتوظف بوظيفة محترمة ترفع من دخله وتخليه يوفر اكثر للزواج (لحد يجي ويقول الجامعات عندنا ببلاش...لأن فيه ناس تجيب فوق 90% وما تلاقي كرسي الا بجامعات الخاصة وان لاحظتوا كثرة الجامعات الخاصة بسبب قلة استيعاب الجامعات الحكومية)...وحبيبنا هذا كان طول فترة السنتين يقسط قيمة سيارة يركبها ويروح ويجي عليها لدوامه ومشاويره...يعني بالعربي ما كان حظه حلو وما لقاء شيء موفر له ويحتاجه الشاب في اول حياته.
ولكن الولد هذا كان محبوب وجته مساعدات من القرايب بحدود ال50 الف ريال...فصاروا 80 الف ريال...ولحقهم بقرض من البنك (الي الله لا يوفقهم مجتمعين) ب40 الف ريال..فصار قسطه الشهري ألف ريال ولمدة خمس سنين...يعني راح يدفع لهم 50 الف بدل ال40 المستلفه! وطبعاً غير الاقساط المتبقية لقيمة السيارة السالفة الذكر.
المهم حبيبنا هذا كانت مصاريفه كالتالي:
الولد هذا زبرق نفسه واشترى له ملابس وعطور وشغلات ثانية بحدود 4000 ريال...وقدم مهر 30 الف ريال و اعطى الشبكة نقدي وقال لهم انتو اشتروها على ذوقكم وكانت 5 الاف ريال...وجاب معاه ساعه ودبله بحدود 3 الاف ريال بيوم العقد...واهدى زوجته هدايا بفترة الملكة بحدود الفين ريال...فصار الأجمالي 40 الف ريال.
وبما ان الرجال يقرب لي...فعادةً ما يكون عندنا عرس الحريم على اهل البنت...والرجاجيل على اهل الولد...ولكن هو ما سوا عرس للرجاجيل وخلاها حق السفر مع زوجته...وبصراحة هو كذا صح ويعجبني...وانا ناوي اسوي مثله اذا حلمت في الزوج ههههههه احلم بس
نجي للسفره والي كانت مختصرة وبس 8 ليالي...طبعاً تذاكر طيران دولية من البحرين الى ماليزيا+تذاكر طيران محلية بين الجزر هناك...كانت بحدود 6000 ريال...الحجز بين فنادق 4 نجوم و5 نجوم كانت بحدود 3200 ريال...مصاريف تكاسي وسواقين طول فترة الرحلة كانت بحدود 2000 ريال...مصاريف التمشي مثل تذاكر الدخول للأماكن السياحية والمطاعم والكافيهات والسنيمات كانت بحدود 3000 ريال...الشوبينج حق مرته "المفجوعة" كان بحدود 2000 ريال (مالي شغل هو الي يقول كذا ههههه...لأنه يقول ما كأنها توها معرسه ومجهزه حالها...بس كنت اقوله مهرك كان معقول بس مو كثير...مابي اجرحه)!...اممم جاب معاه شوية سوفينير وهدايا لأهله واهلها...بحدود 1000 ريال....يعني الأجمالي (6000+3200+2000+3000+2000+1000= 17200 ريال).
نجي للشقة...طبعاً إيجارات الشقق كانت ماهي بمثل الحين!...يعني ايجارات وقتنا الحالي تزيد بالقليلة 25% عن ايجارات 2005...(ما نقول غير اللهم يا كافي...والله يعينا يالمقبلين على الزواج)!
كان ايجار شقته ب17 الف ريال بالسنة...يعني دفع مقدم ستة شهور مع عمولة المكتب العقاري ومقدم فاتورة الماء لسنة (8500+500+200) يعني 9200 ريال.
نجي للأجهزة الكهربائية وخلافه:
اشترى له 4 مكيفات شباك ب4800 ريال...وظل عنده غرفة النوم الثانية والمقلط ما ركب فيهم مكيفات...يعني ركب بس بالغرف الي يبي يستخدمونها فعلياً (مثل غرفة النوم والمطبخ والصالة والمجلس)...اشترى له ثلاجة ب2000 وفرن ب2000 وغسالة ب1000 واشياء بسيطة مثل ميكرويف وبرادة ماء ومكواة ومكنسة وتأسيس هاتف ثابت على ستلايت ب2000 ريال...خصص مبلغ 1500 ريال لأواني المطبخ علشان زوجته تشتريها...لأنه ما يعرف...اشترى له تلفزيون على دي في دي وفيديو ب2500 ريال)
يعني الأجمالي حق الأجهزة كالتالي (4800+2000+2000+1000+2000+1500+2500 = 15800 ريال)
نجي للأثاث والستاير وخلافه:
غرفة نوم...اشتراها ب6000 ريال + مرتبة ب1000 ريال + مفرشين للسرير ب2000 ريال + ابجورات ولوح واكسسوارت 750 ريال + ستارة 500 ريال + موكيت (سجاد) ب500 ريال...يعني 10,750 ريال اثاث غرفة النوم.
اشترى طقم المجلس ب6000 ريال + طاولاته ب1500 ريال + الأبجورات واللوح والإكسسوارات ب750 ريال + ستارة ب500 ريال + على كم قطعة سجاد ب500 ريال...يعني 9,250 ريال.
الصالة...كلفته مثل تكاليف المجلس بس زاد عليها المكتبة...يعني 9,250 ريال
المطبخ...ادراج المطبخ كانت راكبه والشقة جديدة وما اضطر انه يفصل له مطبخ جديد...اللهم بس اشترى له طاولة طعام وسلندر غاز ب2000 ريال.
يعني تكاليف الأثاث وملحقاته كالتالي (10750+9250+9250+2000 = 31250 ريال)
بمعنى اخر كانت تكاليف تجهيز عش الزوجية كله على بعضه كالتالي (9200 الإيجار وخلافة + 15800 اجهزة كهربائية وخلافة + 31250 اثاث وخلافة = 56,250 ريال...بس هاه لا تنسون...هذا الكلام سنة 2005 يعني الإيجارات ما كانت مثل الحين)
يعني بالعربي كلفه الزواج كالتالي:
اغراضة الشخصية = 4 الف ريال
مهر وخلافة = 40 الف ريال
الإيجار والأجهزة الكهربائية والتاثيث = 56.25 الف ريال
السفر = 17.2 الف ريال
الأجمالي = 117.45 الف ريال
يعني ما بقى معاه من 120 الف ريال...الا مبلغ الفين ونص يقزر بهم هو وزوجته لاخر الشهر!
ولكن السؤال الي يطرح نفسه...والي موجه للبنات...هل فكرتي بظروفه؟ هل فكرت انه لو كان عنده ما كان يقصر وياها...هل اصلاً فكرت ان 90 الف ريال من 120 الف كانت عبارة عن عطايا وقرض من البنك؟...بمعنى اخر 41.7% من ميزانية زواجه كانت عبارة عن اعطيات و 33.3% عبارة عن قرض من بنك والي توصل مع الفوايد 41.7% من ميزانية الزواج...طبعاً غير اقساط سيارته!
هل فكرت انه تلوع كثيرررررررررر علشان يتزوج؟ هل فكرت قمتها عنده يوم دفع الي قدامه والي وراه وحمل نفسه ديون علشان يتزوجها...ويستر نفسه ويسترها معاه؟
ياترى هل فكرتوا معي بحال من هم رواتبهم دون 5167 ريال...هل فكرتوا معي بحال بعض الأسر الي ما فيها هذا التكاتف الي عندنا؟ ارجوكم خلونا نكون شوي منطقيين وواقعيين...لأن الستر والسكن للجنسين مطلب ضروري وملح في عصر مليء بالفتن.
__________________
تعليق