[poem=font="simplified arabic,5,darkblue,bold,normal" bkcolor="transparent" bkimage="" border="groove,6,crimson" type=1 line=0 align=center use=ex num="0,black""]

يامن لقلبٍ كما دلوٍ علـى جـال مـاه=يطيح في البير ويعوّد بـراس الرشـا
الدلو راوي وقلبي ويش يروي ظمـاه=متحمّل هموم هم اقبـل وهـم إغتشـا
تضوي مع النجم لامنه لمع في سمـاه=وتغيب في الصبح وتعوّد حراوي العِشا
على زمانٍ مضى علمه بروس علمـاه=لوقالوا اليوم مثلـه قلـت والله حشـا
ياما مشينا بثار الصيـد تقطـر دمـاه=وبـرادة الله نجيبـه والله اللـي يشـا
وياما نقلنـا السـلاح وكلبونـا رمـاه=إليا إقتسمنا الجهات وكل واحـد مشـا
الكل منا يطيح الصيـد لامـن رمـاه=واللي سمع صوت بندق قال طاح العشا
أيام كنا وكان الصدق محمـي حمـاه=والغدر والكذب بين اصحابنـا مافشـا
الكل منهم ليامن قـال قـول إحتمـاه=كلٍ بـدرب المعـزه والكرامـه نشـا
ماهم كما اللي لسانه لاصقٍ في جمـاه=مايهرج إلا بهرج الواشي اللـي وشـا
الحي يحييك والقلب العمى فـي عمـاه=ماكل رجال للجزلـه وقـف وإنتشـا
ويوم افتكر وقتي اللي مامضالي كمـاه=اضم كفي على نـارٍ بوسـط الحشـا[/poem]

قصيده للشاعر : عبدالله الطلحي الهذلي