[poem=font="arial,6,darkred,normal,normal" bkcolor="transparent" bkimage="" border="double,6,green" type=0 line=0 align=center use=ex num="0,black"]
حديقه الوادي مغطي سورهـا الـورد الحمـر = وانا فدى ورد(ن) ما هـو الـلي غشـا تسويرهـا
حبيبي اليا قمت اسولف به على اغصان الثمر = واثـر الحقيقـه كلهـا محتاجـه لتذكيـرهـا
فكرتها ما تذكره قالت ؟ وهـل يخفـى القمـر = قلـت اذكـر ان ام الصغير تحب ذكـر صغيـرهـا
يا كثر ما ضمت حبيبي قد ما طاب السمـر = ويا كثر ما سجيت انا وياه في تصويرهـا
نحبهـا لـو جوهـا الهـادي تعكـر واندمـر = ونموت فيها كن لحـم اكتافنـا مـن خيرهـا
نافورت (ن) ماها غدى منديل دمع الى انهمـر = وغصونها احسبها سماء لو ما الهبوب تديرهـا
فيها كثر سرق الهدايا من ممـرن في ممـر = وارتبكت اطراف الكفـوف وخانهـا تعبيرهـا
ما بعدها سمره سقى الله سمرة اغلى من سمر = الغالي اللـي غمغم الدنيـا بعـد تنويرهـا
اللي مساء الاثنيـن مـدري كيـف بيح مـا ضمـر = في ساعة(ن) ساقة كرمها في نحر تقصيرهـا
طفى على الجمره وشب اللي قباله وانجمر= لين الشبابيـك احترق دمي على تسكيرهـا
اقبل ولي عنده مثل مال الملـك فـي المؤتمـر = واقفا ولـه عنـدي مثل عينـ(ن) تحـرى طيرهـا
وابطـا واثـرهازلـت اللـي تو ماحـرم واعتمـر = وابطـى بعـد ليـن العذر ذليته لتبريرهـا
وابطى كثيييييرالين حسيـت الزمـان اردى وامـر = من شيمة اللي بنـت عمـه تطـول بتحجيرهـا
ليته على كثر البطا شاف النصيب اشلـون امـر = والذكريـات الـلي غيابـه كـل شيءيثيرهـا
احيان لاحـس ان قلبـي مـن مودتـه انغمـر = ااجـل مواعيـدي واناعينـي علـى تبكيرهـا
واحيان لا كثر علي تركيـب الاحـرف والنمـر = اجيـه في جبر الخـواطـرقـبـل اجي تكسيـرهـا
والطاري اللي مر ني وامرح ابراسـي واختمـر = الله يسا مح نفسـي الـلي طاعتـه ويجيرهـا
نويت احبه دامنـي مامت والعمـر استمـر = واللي مضيـع حاجـه اقسـا لذتـه تدويرهـا
وان عاد فيه اظلم من الحجاج واعدل من عمر = معناه نيـت قلبـي البيضـاء امخبـي غيرهـا [/poem]
[align=center]الشاعر:ناصر القحطاني[/align]