[align=center]هذه القصيده تعبر عن شخص في دار العجزه [/align]
[poem=font="simplified arabic,5,white,bold,normal" bkcolor="transparent" bkimage="backgrounds/9.gif" border="double,6,darkblue" type=0 line=1 align=center use=ex num="0,black"]

بسمـك الله ابتـدي وأسـألـك يــا الله فــي القـبـول=يامـكـون يــا مـدبـر يــا الــه مــا يـنــام

قونا يـا الله بـا الطاعـه وثبتنـا علـى نهـج الرسـول=انــت عــلام الخصـايـص واسـمـك الله الـسـلام

دبرتـك فينـا كفايـه ولا لخلقـك مـن تدابيـرك جفـول=من قضاك ومـن قـدرك ان كـان خيـر ان كـان سـام

الندا من عاجـز حطـوه فـي دور العجـز مالـه حلـول=مابقي اللا يلتحف فرشـه ويطلـب خالقـه حسـن الختـام

راحــت ايــام الصباوالفـخـر يـاحــول بـحــول=وصـرت راعـي العزلـه اللـي ماتجسـد لــي مـقـام

بعد ماكنت الشجـاع اللـي يخيـر فـي الذلايـل والخيـول=وكنت انا الفارس وانا المقدام في يـوم المواجـه والكـلام

وبعد ما كنت المرحب با الضيوف وكان لي صـول وجـول=وكنت راعي الوجه في المجلس وا جيب العلم واستلفي العلام

وبعد ما كنـت المربـي للصغيـر وكنـت نقـال الحمـول=وكنت انا اللي لا غفى النايم سهرت الليل في جنـح الظـلام

لأجل اربي لي ولد لا قيل ويـن اهـل الشهامـه والأصـول=قلت هذا هو يشل الحمـل عنـي لـي بـدا يـوم الزحـام

قلت هذا هو ينومسنـي ويخدمنـي علـى سـن الذهـول=وا عتـزي بـه وافتخـر بـه فـي المواقيـف الجـسـام

لكن اني يوم شبت وطحـت لا سولفـت لـه قـال مهبـول=ون دعيته مـا يجاوبنـي ولا يصغـي لصوتـي بأحتـرام

ماحصت اللي زرعته فيه من رق الحنـان ومـن الفضـول=وصارت امالي بدايـد ليـن حولـت الشـداد مـن السنـام

فلا لقاك الصاحب اللي يعرف احوالـي لا بلـه وش تقـول=عاد لك وجـه تقـول ابـوي فـي دار الرعايـه ياغـلام

اشغلك عن خدمتي ناس تصفق لك وتضـرب بـا الطبـول=لا غـريـزة ديــن لا دافــع غـــلا ولا اهـتـمـام

انت مـن نـوع اللـي لا جـوه اصدقـا الكشخـه خجـول=لويشوفـونـك تـخـدم ابــوك يلـحـقـك الـمــلام

مـا دريـت ان المـلام اذا تركتـه فـي محـل امعـزول=كــن مـالـه لا عـيـال ولا خـــوان ولا عـمــام

الندا موصـول لأصحـاب الذهانـه والتصـرف والعقـول=قبل تشعر بـأ الأسـى والحـزن والام المفاصـل والعظـام

اعرف ان مافيه غير الله يدوم ومـا علـى الدنيـا يـزول=الشبـاب يشيـب والشايـب يمـوت ولا لغـيـر الله دوام

النهايه بين عجز وموت والقاصـر بـدا مـا هـو يطـول=مـا احـد يبقـى مخلـد فـي الحـيـاه الفـيـن عــام

يا مفكـر لا تفكـر فـي الوجاهـه والمناصـب والفعـول=عادة الدنيـا مقلـب كـف راحـه بـا المحبـب والحـزام

الطمع في رحمة الله والمكاسب فـي طلـوع وفـي نـزول=كم على وجه البسيطه في حياتـك مـن تشتـت وأنقسـام

من هم اللي لا بـدا يـوم الشدايـد والقسـاروس زحـول=تفتـح ابــواب الـحـلال وتقـفـل ابــواب الـحـرام

كل باب منـه شـك وريـب تقفلـه النشامـا بـا القفـول=والله يقطع باب شـر يلحـق الرجـل المخضـرم الا تهـام

يـا هـل الطـولات والعـادات قولـو للمخـذل والخبـول=لاتضيـع اسلافنـا الـلـي سيـسـوه اجدادنابأالالتـحـام

ولا يخلون الكبيـر يهـان فـي شـدة مناخـات الفصـول=دام راسه حي يحشم بـا الكرامـه فـي محـلات الحشـام
ختمها يـا الله ابـا اطلبـك الهدايـه والقناعـه والقبـول=انــت عــلام الخصـايـص واسـمـك الله الـسـلام
[/poem]


[align=center]لا حول ولا قوة الا بالله

قال تعالى :
{ وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا . وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا . رَّبُّكُمْ أَعْلَمُ بِمَا فِي نُفُوسِكُمْ إِن تَكُونُواْ صَالِحِينَ فَإِنَّهُ كَانَ لِلأَوَّابِينَ غَفُورًا }[/align]