[poem=font="simplified arabic,5,white,normal,normal" bkcolor="transparent" bkimage="backgrounds/3.gif" border="double,4,green" type=0 line=0 align=center use=ex num="0,black"]
الكلمة اللي على بالك ومخفيها=قلها على شان اقول اللي على بالي

خلاص ما عاد همتني تواليها =ماسرني شوف الأول وش ورى التالي

سعادتي لعنبوها ...وش تبي فيها=مادام دارك بعيد وحضرتك سالي

قل ما بدالك ونفسك لا تماليها=تراك غالي علي في كل الأحوالي

اجرح وخل المشاعر لا تداريها=الجرح من ساكنين القلب يحلالي

يامن عيوني هواه الصلف معميها=تفداك روحي وحالي يابعد حالي

ياشينها صدتك ما اطول ثوانيها=يااللي تزايد سبايب صدك هبالي

اتذكرك والسنين اذكر مواطيها =وقول ياعهد كسرىمالك ومالي

اليوم مالي سوى الذكرى وطاريها=اسج معها من اللي فيني اشوالي

فرقا الحبايب حشى مانيب ادانيها=وحكي العواذل عساهم مالهم والي

والكلمة اللي على بالك ومخفيها =بقولها لك صريحة ياهوى بالي

أغليك يا اللي نسيت الود...وش فيها=وش صارلامن غديت اغليك بلحالي[/poem]

الشاعر:ماضي العظيمان