[shr71=http://mmanr.jeeran.com/pp.jpg]مثلا : هذه الصورة لفلان او هذه صورة سيارة موديل كذا وكذا الخ[/shr71]

[align=center]كـــفـــكمـ يــا حلوين هذي قصيده من كلمات
الشاعر : سلطان العلوي من سلطنة عمان
اتمني انها تعجبكم[/align]

[align=right]{لحظة ندم }


كتبت الشعر مو لجلك و لكن فاض بي بركان,, واما أنتي فلا تسوى قصيده في نظر عيني

حلفتي لي تصونيني إذا صار الزمن خوان ,, وأول ماعثر حظي على دربك خذلتيني

كسر رمح الزمن صدري وجيتك اشتكي حيران ,, نزعتي الرمح من صدري وفي ظهري طعنتيني

خساااره كيف حبيتك ؟؟! نعم والله أنا ندمان ,, غبي ادري نعم ادري مادام أنك سكنتيني

ثلاث سنين من عمري وانا في لعبتك غرقان ,, أشيل الشوك من دربك وجرحي كان يدميني

وكنت أبكي إذا تبكي واكون لبسمتك فرحان ,, وكنت أقرب من رموشك لعينك يوم تبغيني

عرفتك للأسف صحرا وحولتك إلى بستان ,, وشلتيني غصن أخضر وفي صخرك زرعتيني

حفرتك داخلي ظني تصوني عشرتي أزمان ,, وكنت أحفر قبر موتي على ساحل شراييني

على كف الشقا نامت جروحي و الألم سهران ,, يحطمني يبعثرني وفي صحراك يرميني

ولكن عزتي تفرض اكون بدنيتي سلطان ,, وإن ظنك أجي أركع لرجلك ما عرفتيني

أنا ماعادتي أشحت من أمثالك رضا وإحسان ,, أموت بعزتي أرحم ولا ذلّك يغطيني

ومادام الوفا عندك يدور له على عنوان ,, بدور لي على قلب يصون الحب وسنيني

ولو قلبي ذكر حبك بولع فيه بالنيران ,, وبكسرها أنا رجلي إذا صوبك توديني

ولو دار الزمن ضدك وجيتي تطلبي الغفران ,, وجبتي الشمس في كفك لعندي.. ما بتلقيني

تقول الناس في وصفك :جميلة مثل عود البان ,, وإنك أجمل وأحلى بشر مخلوق من طيني

وإنك غاليه وأثمن من الياقوت والمرجان ,, يقوم الكوان من شانك وتقعد لك بلاديني

حساااافه غرهم شكلك و وياما تخدع الألوان ,, عموما .. قد بقت كلمة أخيره لك وسمعيني

إذا كنتي بنظر غيري ملاك في شكل إنسان,, قسم بالله ماتسوى قصيدة في نظر عيني

[align=center][/align]
و*17 مع اجمل التحيات اختكــمـ
بــنـــت نمـــران[/align]