[poem=font="simplified arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يامساء الخيرات وسمان المثايل = في قصيدن كل طلعاته فريده
والقصيده ساميه والشك زايل = والمعاني توجت نظم القصيده
من شموخ النومسي وانا بن وايل = تسمو الافكار والنظره بعيده
والاوائل مالها غير الاوايل = ماتقدم رفقه الناس البليده
ويوم وردت القريحتنا الجزايل = ماني بقايل سوا الجمله المفيده
ياسلام الله على كبار الحمايل = منبع الامجاد والاريا السديده
مجدهم مشهود في يوم الهوايل = مضهر تالي بتركيبه جديده
مبطي وتاريخهم بين القبايل = في سنام المجد في صفحه مجيده
شيخهٍ تشمل لها فخوذ وفصايل = وفي ذراهم كم شيخ وكم بديده
ماخذوها بالمهايط والتحايل = ماخذوها الا على صولاً اكيده
وعن كثير الهرج تكفيك القلايل = مجدهم معروف مايحتاج اعيده
ويامحمد يالعواجي قال قايل = المراجل مالها غير الوليده
وانت شيال الحمل لامن تمايل = المزيا فيك يامحمد عديده
ياشموخٍ اكبر من جبال حايل = ياملاذٍ كل ماشبت وقيده
يابياضٍ فيه من بيضاء نثايل = ولو بعد المجد بتشيب النشيده
ويش اقول ويش اخلي من دلايل = الوكاد المجد يجري في وريده
يوم كلمني على خط الموبايل = قلت وإن جت للزوم انا عضيده
وجت ابارك جيتي مابها جمايل = واجبٍ علي اسافر من بريده
قاصد محمد ولد واف الخصايل = ياعسى ايامه لياليها سعيده[/poem]